Uppeldi og menntun - 01.01.1998, Qupperneq 30

SAMSTARF HEIMILA OG FRAMHALDSSKÓLA
skólans beri ábyrgð á framkvæmd þess og tryggi þannig viðgang þess og samfellda
starfsemi (Berger 1995:10).
Viðhorfakönnun
Mikilvægi samstarfs
Þegar spurt var almennt um samstarf heimila og skóla var um helmingur nemenda
hlynntur því en meirihluti foreldra og kennara. Spurt var meðal annars hversu
mikilvægt sé að auka samstarf. Svarmöguleikar voru: Mjög mikilvægt, mikilvægt,
léttvægt og mjög léttvægt. Meirihluta nemenda finnst léttvægt eða mjög léttvægt að
auka samstarfið eða rúmlega 55%. Tæplega 45% nemenda finnst mikilvægt eða
mjög mikilvægt að auka samstarf heimila og skóla (sjá Mynd 1). Mikill meirihluti
foreldra og kennara er á þeirri skoðun að mikilvægt sé að auka samstarfið. Rúm-
lega 77% foreldra telja það mikilvægt eða mjög mikilvægt, tæplega 26% telja það
mjög mikilvægt. Meðal kennara telja 78% mikilvægt eða mjög mikilvægt að auka
samstarfið, en 21% telur það mjög mikilvægt. Viðhorf meirihluta nemenda eru því
andstæð erlendum rannsóknarniðurstöðum en viðhorf foreldra og kennara eru
samhljóða erlendum rannsóknum sem benda til þess að meirihluti nemenda, for-
eldra og kennara séu hlynntir samstarfi (Berger 1995:9, Epstein 1995:703).
Hvenær samstarf?
Fólk var einnig beðið að leggja mat á hvenær samstarf ætti helst að vera til staðar
(sjá Töflu 2). Svör nemenda sýna að tæplega þriðjungur þeirra telur best að það sé
lítið samstarf öll árin. Rúmlega fjórðungur nemenda vill að samstarf sé bara á fyrsta
og öðru ári og tæplega fjórðungur vill mikið samstarf öll árin. Mun færri vilja
ekkert samstarf eða bara samstarf á fyrsta ári.
Rúmlega helmingur foreldra er hlynntur því að hafa mikið samstarf öll árin.
Fjórðungur foreldra vill hafa lítið samstarf öll árin en tiltölulega fáir vilja einskorða
28