Tímarit lögfræðinga - 01.10.2002, Page 33

skipulega tilboðsmarkaði, sem slíka. Hins vegar gerir 34. gr. khl. ráð fyrir því
að starfræktir séu aðrir verðbréfamarkaðir. Þar eiga sér stað viðskipti með verð-
bréf fyrir milligöngu fyrirtækja í verðbréfaþjónustu og annarra án þess að við-
skiptin séu skráð.
3. GRUNNSJÓNARMIÐ AÐ BAKI REGLUM UM OPINBERA
SKRÁNINGU VERÐBRÉFA
Áður en fjallað verður um þær reglur sem gilda um skráningu verðbréfa í
kauphöll er rétt að huga að þeim grundvallarsjónarmiðum sem liggja að baki
reglunum. Við skýringu á reglunum og beitingu þeirra um mismunandi tilvik
verður að hafa þessi sjónarmið í huga. Almennt má segja að reglunum sé ætlað
að vemda hagsmuni fjárfesta.
I 11. gr. khl. er hlutverk kauphalla skilgreint. í ákvæðinu eru sett fram þau
meginsjónarmið sem liggja til grundvallar starfsemi kauphalla. Þar kemur m.a.
fram í 2. tl. að markmið með skráningu í kauphöll sé að stuðla að því að við-
skipti og verðmyndun verði með skýrum og gagnsœjum hœtti. Með þessum
orðum er átt við að reglurnar skuli tryggja að nægilegar upplýsingar liggi fyrir
um verðbréfin og útgefendur þeirra til þess að fjárfestar hafi sem bestan grund-
völl til að byggja á ákvarðanir sínar um kaup og sölu á verðbréfum.4 Þá felst í
þessu sjónarmiði að tryggja eigi fjárfestum greiðan aðgang að upplýsingunum.
Markmiðinu er náð með því að skylda útgefendur til að leggja fram skráningar-
lýsingu með ítarlegum upplýsingum um hin skráðu verðbréf og útgefandann,
sbr. 1. tl. 1. mgr. 17. gr. khl. Eftir að verðbréfin hafa verið skráð er útgefanda
verðbréfa gert skylt að sinna viðvarandi upplýsingaskyldu um starfsemi sína og
fjárhag, sbr. 24. gr. khl.
Annað grunnsjónarmið að baki starfsemi kauphalla er að tryggja jafnrœði
fjárfesta, sbr. 2. tl. 11. gr. khl. og 3. gr. reglugerðar nr. 433/1999 um upplýs-
ingaskyldu útgefanda o.fl. Samkvæmt þessu sjónarmiði eiga reglumar að stuðla
að því að upplýsingar um starfsemi útgefanda, sem þýðingu hafa um verð-
myndun verðbréfanna, séu tilkynntar á þann hátt að fjárfestar hafi á sama tíma
aðgang að upplýsingunum.5 Þessu markmiði er náð með reglum um viðvarandi
upplýsingaskyldu, reglum um meðferð trúnaðarupplýsinga og innherjavið-
skipti, sbr. IV. kafla laga nr. 13/1996 um verðbréfaviðskipti og III. kafla áður-
greindrar reglugerðar um upplýsingaskyldu útgefanda, svo og með því að
kauphallir starfrækja upplýsingakerfi þar sem tilkynningar frá útgefendum eru
birtar, sbr. 21. gr. khl. og 27. gr. reglna KI nr. 4. Hugsunin að baki þessu sjónar-
miði er að allir fjárfestar hafi sömu upplýsingar, eða a.m.k. aðgang að sömu
4 Sjá hér Erik Werlauff: B0rs- og kapitalmarkedsret, bls. 164 um hlutverk skráningarlýsinga og
bls. 204 um markmið viðvarandi upplýsingaskyldu í skráðum félögum.
5 Sjá hér Erik Werlauff: Bprs- og kapitalmarkedsret, bls. 211.
227