Tímarit lögfræðinga - 01.10.2002, Blaðsíða 49

lægni í stjómun og starfsemi fjármálastofnana. Þá er þekkt í nokkmm ríkjurn að
takmarkanir em á því hversu stóran hlut einstakir aðilar mega eiga í fjármála-
stofnunum og hversu mikinn atkvæðisrétt einstakur aðili getur farið með.36 I
sumum ríkjum er að finna ákvæði um að samþykki ráðherra þurfi fyrir því að
einstakir aðilar eignist verulegan eignarhlut í fjármálstofnunum. Takmarkanir á
atkvæðisrétti lúta að réttindum sem fylgja hlutabréfum og verður nánar vikið að
því síðar þegar fjallað verður um það skilyrði 6. gr. reglna KÍ að allir hlutir í
sama flokki skuli njóta sama réttar.
Ljóst er að ákvæði sem takmarka eignarhald að hlutabréfum fela í sér við-
skiptahömlur og geta haft truflandi áhrif á viðskipti með skráð verðbréf. Áður
er vikið að því að stjóm KÍ geti heimilað undanþágur frá takmörkunum á við-
skiptum með verðbréf og er ekki ólíklegt að einhverjar takmarkanir af þessu
tagi yrðu samþykktar ef þær teljast ekki koma niður á markaðshæfi bréfa. Sem
dæmi má nefna að danska kauphöllin hefur fallist á að í samþykktum félags séu
ákvæði sem setja það skilyrði að stjórn félags samþykki framsal á hlutabréfum
að því tilskildu að ákvæðið nái eingöngu til þeirra tilvika þar sem eignarhald
einstaks aðila fer yfir 10% í félagi og að í ákvæði samþykktanna séu skýrar
reglur um það hvemig afgreiðsla slíkra erinda fari fram.37
8.1.4 Útgáfa skráningarlýsingar og upplýsingaskylda
Auk þeirra sameiginlegu skilyrða sem nú hafa verið rakin er rétt að ítreka að
í 1. mgr. 17. gr. khl. er gert að skilyrði fyrir skráningu að gefin sé út skráningar-
lýsing og birtar verði við skráninguna og eftirleiðis upplýsingar um verðbréfin
og útgefandann sem skipta máli um mat á verðmæti bréfanna. Nánar verður
vikið að þessum skilyrðum þegar fjallað verður sérstaklega um skráningar-
lýsingar og viðvarandi upplýsingaskyldu útgefenda.
Fleiri sameiginleg skilyrði fyrir skráningu er ekki að finna í íslenskum lög-
um eða reglum um kauphallarviðskipti og er þá rétt að víkja að sérstökum skil-
yrðum fyrir mismunandi flokka verðbréfa. Flokkarnir sem reglumar ná til eru
hlutabréf, skuldabréf, hlutdeildarskírteini og önnur verðbréf. Fyrst verður vikið
að skilyrðum fyrir skráningu hlutabréfa.
8.2 Skilyrði fyrir skráningu hlutabréfa
í II. kafla skráningarreglugerðarinnar nr. 434/1999 og II. kafla reglna KÍ nr.
2 um skráningu verðbréfa á Kauphöll íslands hf. er að finna ítarlegar reglur um
skilyrði fyrir opinberri skráningu hlutabréfa.
36 Ákvæði sem þessi eru óheimil skv. 40. gr. EES-samningsins þar sem þau fela í sér takmarkanir
á frjálsu flæði fjármagns.
37 Sjá Peer Schumburg-Miiller og Erik Bruun Hansen: Dansk B0rsret, bls. 175. Afstaða dönsku
kauphallarinnar kom fram í tengslum við umsókn Jyske Bank um skráningu hlutabréfa í félaginu
en • samþykktum þess félags voru ákvæði um samþykki stjómar fyrir framsali hlutabréfa.
243