Tímarit lögfræðinga - 01.10.2002, Page 36
og starfsemi lífeyrissjóða. Einnig ber að líta til þess að auðveldara er að fjár-
magna kaup á skráðum verðbréfum hjá fjármálafyrirtækjum þar sem slík verð-
bréf geta frekar verið trygging fyrir lánveitingum til kaupanna.
Fjánnagnsþörf fyrirtækja getur kornið til af ýmsum ástæðum. Oftast er
leitað eftir fjármögnun til þess að koma á fót nýjum verkefnum eða efla þau
verkefni sem félagið starfar þegar að. Þá getur verið þörf á fjármögnun vegna
sameiningar fyrirtækja eða yfirtöku á rekstri annars fyrirtækis. Einnig getur
verið þörf á að endurfjármagna félag sem rekið hefur verið með tapi. Með
skráningu auka fyrirtæki möguleika á því að geta aflað sér lánsfjár eða hlutafjár
til reksturs félagsins eða uppbyggingar.
4.1.2 Gæðastimpill
Talið hefur verið þegar kauphöll samþykkir opinbera skráningu verðbréfa að
í því felist eins konar gæðavottun á starfsemi útgefanda, þ.e. að skráningin veiti
atvinnurekstrinum ákveðinn trúverðugleika.10 Erlendis er þetta kallað að gefa
fyrirtæki „blue stamp“ sem er merki um gæði. Kauphallir taka ekki á skrá fyrir-
tæki nema sá atvinnurekstur sem þau stunda sé líklegur til að skila arði, sbr. t.d.
2. mgr. 3. gr. reglna KI nr. 2 um skráningu verðbréfa í Kauphöll Islands hf. Þá
eru gerðar kröfur um skilvirkt upplýsingakerfi hjá útgefendum til að uppfylla
upplýsingaskyldur gagnvart verðbréfamarkaði.
Þessi gæðavottun getur leitt til þess að fyrirtækið fá betri viðskiptakjör, t.d.
þurfi síður að setja tryggingu fyrir lánum eða öðrum viðskiptum. Að auki getur
falist í þessari gæðavottun ákveðið auglýsingagildi fyrir starfsemi félagsins.
Þannig má ætla að viðskiptamenn félagsins geti frekar treyst því að viðskipti
við skráð félag muni skila þeim árangri sem að er stefnt, hvort sem um er að
ræða efndir á verki eða gæði vöru eða þjónustu.
A hinn bóginn er ljóst að skráning verðbréfa í kauphöll er engin trygging
fyrir árangri í starfsemi fyrirtækis. Þær kröfur sem gerðar eru til fyrirtækja sem
sækja um skráningu tryggja fyrst og fremst að upplýsingar um fjárhag félags
eru aðgengilegar fyrir þá sem vilja kanna stöðu þess.
4.1.3 Auðseljanlegri verðbréf og verðmætaaukning
Eins og áður er rakið er eitt af markmiðum með reglum um opinbera
skráningu verðbréfa að gera verðbréf auðseljanlegri og þannig markaðshæfari.
Þegar fyrir hendi er verðbréfamarkaður með skráðum verðum á verðbréfunum
er aðgangur fjárfesta að viðskiptum auðveldari og kaupendum verðbréfa
fjölgar. Hluthafar sem eiga stóran hlut í félagi geta með skráningu aukið verð-
gildi eignarhluta síns verulega og hafa þannig beina hagsmuni af skráningu.
10 Sjá hér Andersen og Clausen: B0rsretten, bls. 142.
230