Tímarit lögfræðinga - 01.10.2002, Síða 40

Með stoð í 42. gr. khl. hefur verið sett reglugerð nr. 434/1999 um opinbera
skráningu verðbréfa í kauphöll (skráningarreglugerð). I reglugerðinni er að
finna reglur um skilyrði fyrir skráningu verðbréfa eftir tegundum þeirra, reglur
um meðferð umsókna og afgreiðslu, efni skráningarlýsinga, birtingu skrán-
ingarlýsinga og ábyrgð á upplýsingum sem koma fram í henni o.fl. Með reglu-
gerðinni fylgja fjórir viðaukar sem hafa að geyma gátlista um efni skráningar-
lýsinga. Viðauki I fjallar um skráningarlýsingu hlutabréfa, viðauki II um skulda-
bréf og viðauki III um heimildarskírteini fyrir hlut. I viðauka IV er hins vegar
að finna reglur um undanþágur frá birtingu skráningarlýsinga og heimildir til að
takmarka efni skráningarlýsinga við tiltekna þætti.
Þá hefur Kauphöll Islands hf. sett reglur um skráningu verðbréfa í Kauphöll
Islands hf. nr. 2 frá 1. júlí 1999.1 reglunum eru endurtekin mörg ákvæði reglu-
gerðarinnar en að auki er að finna ítarlegri útfærslur á þeim efnisþáttum sem
reglugerðin fjallar um. Að hluta til er þama um óþarfar tvítekningar að ræða en
er væntanlega hugsað sem heildaryfirlit fyrir aðila á markaðinum. Samkvæmt
17. gr. khl. þarf að fá umsögn Fjármálaeftirlitsins um reglur sem kauphöll setur
áður en þær taka gildi.
Við setningu ofangreindra reglna kauphallalaganna og reglugerðarinnar var
íslenskur réttur lagaður að tilskipunum ráðs Evrópusambandsins um opinbera
skráningu verðbréfa.15 Er þetta í samræmi við skuldbindingar sem íslenska
ríkið tók á sig með undirritun EES-samningsins, sbr. lög nr. 2/1993. Þær tilskip-
anir ráðsins sem hér hafa þýðingu, og hafa verið innleiddar í íslenskan rétt, eru
annars vegar tilskipun frá 5. mars 1979 um samræmingu á skilmálum fyrir
opinbem skráningu verðbréfa á verðbréfaþingi, 79/279/EBE.16 Tilskipuninni
var breytt með tilskipun 88/627/EBE. Hins vegar er um að ræða reglur skv.
tilskipun ráðsins frá 17. mars 1980 um samræmingu á kröfum um gerð, athugun
og dreifingu á skráningarlýsingu sem birta skal þegar verðbréf eru tekin til
opinberrar skráningar á verðbréfaþingi, 80/390/EBE,17 eins og henni var breytt
með tilskipunum 82/148/EBE, 87/345/EBE, 90/211/EBE og 94/18/EBE. Nú
hafa þessar tilskipanir verið sameinaðar ásamt öðrum kauphallatilskipunum
Evrópusambandsins í eina tilskipun um skilyrði opinberrar skráningar verð-
bréfa á verðbréfaþingi og upplýsingagjöf vegna þeirra, nr. 2001/34/EC.18
15 í 29. gr. grein reglugerðar nr. 434/1999 um opinbera skráningu verðbréfa í kauphöll er tekið
fram að hún sé sett í samræmi við ákvarðanir sameiginlegu EES-nefndarinnar um að taka upp í
innlendan rétt ákvæði tiltekinna tilskipana.
16 Sjá Official Joumal of the European Communities 1979 (L66), bls. 21.
17 Sjá Official Journal of the European Communities 1980 (L100), bls. 1.
18 Sjá Official Joumal of the European Communities 2001 (L184), bls. 1 og lið 24 í Annex IX við
Samninginn um Evrópska efnahagssvæðið, sbr. lög nr. 2/1993. Sameining eldri tilskipana í eina er
fyrsta skrefið í endurskoðun Evrópusambandsins á sviði kauphallaréttar. Sú endurskoðun er hluti
af svokölluð „Financial Action Plan“ en á grundvelli þess hyggst Evrópusambandið uppfæra
löggjöf á sviði fjármálaþjónustu á tímabilinu 2000 til 2005. Aætlun þessi byggist á niðurstöðum
Lamfallussy nefndarinnar eða „Committee of Wise Men“ sem sett var á laggirnar til þess að gefa
skýrslu um stöðu reglna Evrópusambandsins á sviði fjármálaþjónustu.
234