Tímarit lögfræðinga - 01.10.2002, Síða 64

Ef stjórn kauphallar ákveður að fella niður skráningu verðbréfa getur hlutað-
eigandi útgefandi skotið þeirri ákvörðun til ráðherra til endurskoðunar, sbr. 2.
mgr. 13. gr. khl. I kauphallalögunum er hins vegar ekki gert ráð fyrir slíku
málskoti þegar um tímabundna stöðvun er að ræða. Tekið er fram í framan-
greindu ákvæði að um málsmeðferð og kærur gildi ákvæði stjómsýslulaga.
14. ÁBYRGÐ Á GERÐ OG EFNI SKRÁNINGARLÝSINGA
14.1 Inngangur
Áður er þess getið að markmiðið með útgáfu skráningarlýsingar sé að tryggja
að fjárfestar geti, með því að lesa skráningarlýsinguna, gert sér grein fyrir þeim
atriðum sem skipta máli við mat á verðmæti verðbréfanna sem verið er að skrá.
Mjög mikilvægt er því að efni skráningarlýsingar byggist á traustum grunni og
hafi að geyma réttar og fullnægjandi upplýsingar. I 2. ntgr. 21. gr. kauphalla-
tilskipunarinnar nr. 2001/34/EC er að finna ákvæði um að aðildarríki skuli setja
reglur uni skyldu þeirra sem bera ábyrgð á skráningarlýsingunt til að setja frant
tilteknar upplýsingar í skráningarlýsinguna.
Til að ná fram þessu markmiði hafa verið settar reglur í 18. gr. skráningar-
reglugerðar nr. 434/1999 um það hverjir beri ábyrgð á efni skráningarlýsingar.
Því sem næst samhljóða ákvæði er að finna í 28. gr. reglna KI nr. 2. Samkvæmt
reglunum hvílir ábyrgð á efni skráningarlýsingar fyrst og fremst á stjóm útgef-
anda, en henni ber að tryggja að skilyrði reglugerðarinnar um gerð og efni skrán-
ingarlýsinga sé uppfyllt. Þessi nteginábyrgð sem lögð er á stjórn félags er þýð-
ingarmikil þegar skoðað er hvert tjónþolar geta beint kröfum sínum og á hverj-
um endanleg ábyrgð muni hvíla. Verður vikið að því álitaefni síðar í þessari
umfjöllun.
I 2.-4. mgr. 18. gr. reglugerðarinnar er lögð skylda á tiltekna aðila að gefa út
yfirlýsingar um efni skráningarlýsingar að viðlagðri bótaábyrgð. Þeir aðilar sem
ákvæðið leggur skyldurnar á er stjórn félags, umsjónaraðili útboðs og endur-
skoðandi. Þá getur útgefandi verðbréfa ákveðið að fá aðra sérfræðinga en til-
greindir eru í ákvæðinu til þess að aðstoða við gerð skráningarlýsinga, eins og
t.d. lögmann eða sérfræðing á tilteknu atvinnusviði, til að leggja mat á tiltekin
atriði hjá félaginu.
Ástæður bótaábyrgðar geta annars vegar verið vegna þess að rangar, villandi
eða ónákvæmar upplýsingar komi fram í skráningarlýsingu og hins vegar að
mikilvægum upplýsingunt um starfsemi félagsins er sleppt í henni. Tjónið verður
til með því að verðmæti verðbréfanna sem seld eru er minna en fjárfestir má gera
ráð fyrir samkvæmt upplýsingum í skráningarlýsingu þegar hann keypti bréfin.
Miðað við þær miklu verðbreytingar sem geta orðið á verðbréfum þegar til-
teknar upplýsingar eru kynntar er ljóst að veruleg ábyrgð er lögð á viðkomandi
aðila. Tjónþolinn þarf að sanna að upplýsingarnar í skráningarlýsingunni séu
rangar eða villandi. Sem dæmi um tilvik þar sem reyndi á sönnun þess hvort
rangar eða villandi upplýsingar hafi legið fyrir við útboð má nefna þrjá danska
dóma.
258