Tímarit lögfræðinga - 01.10.2002, Qupperneq 74

Á móti framangreindum röksemdum mæla hins vegar þau rök að félagið
getur endurkrafið sérfræðingana og stjórnarmenn, sem voru félaginu til að-
stoðar, um þær fjárkröfur sem falla myndu á félagið. Hafa ber þó í huga í þessu
sambandi að lækkunarheimildir í 134. gr. laga nr. 2/1995 um hlutafélög og í 24.
gr. skaðabótalaga nr. 50/1993 geta leitt til þess að félagið fái ekki að fullu
endurgreitt tjón sitt frá stjómarmönnum og sérfræðingum. Þar sem ekki er við
skýra lagaheimild að styðjast um það hvemig fara beri með tilvik af þessum
toga né dómafordæmi er erfitt að fullyrða hver niðurstaða dómstóla yrði um
þessi tilvik. Áður kom fram að samkvæmt almennum skaðabótareglum væri
heimilt að fella skaðabótaábyrgð á félagið vegna skyldna sem hvíla á stjórn
þess. Miða verður við að meginregla yrði einnig með þeim hætti í þeim
tilvikum að stjóm félags væri ábyrg. I þeim tilvikum þar sem hagsmunum
lánardrottna félagsins væri stefnt í hættu, t.d. við gjaldþrotaskipti á félagi, gæti
tillitið til hagsmuna þeirra hugsanlega leitt til þess að kaupendur hlutafjár
myndu ekki teljast eiga kröfur á hendur félaginu vegna rangra upplýsinga í
skráningarlýsingu.
14.3.6 Skyldur framkvæmdastjóra
I 18. gr. skráningarreglugerðarinnar er ekki gert ráð fyrir að framkvæmda-
stjóri félags gefi út yfirlýsingu um efni skráningarlýsinga eða hann beri sjálf-
stæða ábyrgð í tengslum við gerð hennar. Erfitt er að sjá fullnægjandi rök fyrir
því að láta framkvæmdastjóra félags ekki gefa yfirlýsingu um efni skráningar-
lýsingar.70 Framkvæmdastjóri félags er sá aðili sem hefur yfirgripsmesta þekk-
ingu á starfsemi félags og uppbyggingu. Enginn annar aðili getur í raun komið
í stað framkvæmdastjóra þegar kemur að almennri upplýsingagjöf um félagið.
Stjórn félags og sérfræðingar, sem gera úttekt á félaginu í tengslum við skrán-
ingu, reiða sig í mjög mörgum atriðum á gögn eða upplýsingar sem fram-
kvæmdastjórinn lætur í té. Fullt tilefni er því til þess að láta framkvæmdastjóra
gefa út yfirlýsingu um efni skráningarlýsingar. Þótt ekki sé gert ráð fyrir því að
framkvæmdastjóri riti undir skráningarlýsingu getur stjórn félagsins ákveðið að
láta hann gera það. Rík ástæða er til að mæla með því að stjómir félaga láti
framkvæmdastjóra takast á hendur sams konar ábyrgð og stjórnarmenn sjálfir
hafa skv. 18. gr. skráningarreglugerðarinnar.
Feli stjórn félagsins framkvæmdastjóra að hafa umsjón með gerð skrán-
ingarlýsingar, eins og jafnan er gert, bæri honum skylda gagnvart útgefandanum
að sjá til þess að skráningarlýsingin uppfyllti skilyrði laga og reglna. Á grund-
velli 134. gr. hlutafélagalaga nr. 2/1995 er unnt að byggja á því að fram-
kvæmdastjóri beri persónulega ábyrgð á sakargrundvelli gagnvart hluthöfum og
fjárfestum ef hann hefur með háttsemi sinni brotið gegn þeim starfsskyldum
70 Samkvæmt bandarískri löggjöf ber framkvæmdastjóra að skrifa undir skráningarlýsingu, sbr.
Hazen: The Law of Securites Regulation, bls. 133. Athuga ber að í bandarískum hlutafélögum er
framkvæmdastjóri einnig stjórnarmaður.
268