Tímarit lögfræðinga - 01.10.2002, Page 103

og reyndar er mælt fyrir um í bókinni sjálfri. Þar reynir á færni og farsæld
dómstólanna við beitingu lögbókarinnar á komandi árum.
Þá má heldur ekki gleyma því, að efnissviði lögbókarinnar - hinum almenna
einkamálarétti eins og hann er nú skilgreindur í rússneskri lögfræði - tengjast
ótalmargir lagabálkar, sem settir hafa verið á síðari árum um ýmis þau sérsvið,
sem ekki þótti næg ástæða til að taka upp í lögbókina sjálfa, en eins og fyrr
hefur komið fram verða þessi lög þá að samrýmast lögbókinni fullkomlega - að
sínu leyti með nokkuð svipuðum hætti og á við um sambandið milli stjórnar-
skrár og almennra landslaga.
Þegar á heildina er litið ber hin nýja borgaralögbók Rússa með sér augljóst
merki um þann mikla sóknarhug, sem einkennir löggjafarstarfsemi þar í landi á
síðari árum, og hún er jafnframt talandi dæmi um gagnsemi þeirra vinnubragða
við löggjafarsmíð af þessu tagi, sem byggjast að hluta til á aðferðum saman-
burðarlögfræði.
I
297