Tímarit lögfræðinga - 01.12.2002, Qupperneq 98

formanns Dómarafélags íslands. Fyrir hádegi flutti Sigurður Tómas Magnússon
héraðsdómari erindi um þróun refsinga. Fjallaði hann þar unr samanburð á
þyngd refsinga frá einu tímabili til annars og rnilli landa. Þá fjallaði hann um
þau vandamál sem við er að glíma þegar bornar eru saman refsingar fyrir ólíkar
tegundir brota, einkum fyrir ofbeldisbrot og önnur alvarleg brot. Jón Þór
Ólason, lögfræðingur í dómsmálaráðuneytinu, talaði um eðli og þróun viður-
lagakerfisins - dómstól götunnar. Rakti hann sögu refsinga allt frá dögum
Hammurabis Babýloníukonungs til vorra daga. Þá kont hann m.a. inn á að var-
hugavert væri fyrir dómstóla að draga of sterkar ályktanir af almenningsálitinu,
svo hverfult sem það væri. Erlendur S. Baldursson, afbrotafræðingur hjá Fang-
elsismálastofnun ríkisins, flutti erindi sem bar yfirskriftina: Fangelsi í nútíð og
fortíð. Gerði hann þar grein fyrir þróun fangelsismála hérlendis frá því sýslu-
ntenn héldu fanga í eigin húsum þar til nú. Var það niðurstaða hans að um mikla
baslsögu væri að ræða þótt ýmislegt gott hefði verið gert á síðari árum. Eftir
hádegi fjallaði Hilmar Ingimundarson hrl. um sjónannið verjanda varðandi
ákvörðun refsinga á íslandi og að lokum fjallaði Þór Jónsson, varafréttastjóri
Stöðvar 2, um dóm almennings. Dró hann þar upp vægast sagt dökka mynd af
almenningsálitinu á dómstólunum. Að loknum framsöguerindum fóru fram
almennar umræður. Við svo búið sleit formaður LMFÍ, Gunnar Jónsson hrl.,
málþinginu með hnyttnum athugasemdum.
Formaður og varafonnaður DI áttu samráðsfundi með formanni, varafor-
manni og framkvæmdastjóra LMFÍ 4. apríl og 17. október þar sem rædd voru
samskipti félaganna.
Lögmannafélag íslands átti 90 ára afmæli 11. desember. Við það tækifæri
flutti formaður DI félaginu ávarp í boði LMFÍ í Ásmundarsal við Sigtún og
ámaði því heilla á þessum tímamótum. I tilefni afmælisins var LMFI færð
peningagjöf frá DI sem rann til kaupa á skjávarpa.
Árlegur fundur formanna og varaformanna dómarafélaganna á Norður-
löndum var að þessu sinni haldinn í Þrándheimi 6. og 7. september. Formenn
og varaformenn dómarafélaganna í Danmörku, Finnlandi, Noregi og Svíþjóð
sóttu fundinn, auk formanns DI.
Á starfsárinu bárust félaginu nokkur lagafrumvörp sem það veitti umsögn
um.
Dómarafélag íslands, Lögfræðingafélag íslands og Lögmannafélag íslands
boðuðu til sameiginlegs fundar 23. nóvember í Háskólanum í Reykjavík þar
sem kynnt var samstarf háskólans við félög lögfræðinga. Sérstaklega var kynnt
sérhæft rekstrarnám fyrir lögfræðinga sem boðið var upp á í janúar og styttri
námskeið fyrir lögfræðinga á vorönn. I stuttu máli má segja að þessi námskeið
voru lítt sótt af dómurum. Er það skoðun stjórnar DI að dómarar sæki þau
námskeið sem í boði eru hverju sinni og þeir hafa áhuga á hvort heldur þau eru
á vegum Endurmenntunarstofnunar Háskóla Islands, lagadeildar Háskóla
íslands eða Háskólans í Reykjavík.
402