Árbók Háskóla Íslands - 01.04.1967, Page 29

27
Björn M. Ólsen, fyrirrennari Sigurðar Nordals í embætti, fyrst-
ur til þess að hljóta gráðuna.
Það er venja við athöfn sem þessa að lesa rökstudda grein-
argerð deildar þeirrar, sem gráðuna veitir. Að þessu sinni verð-
ur út af þeirri venju brugðið. Heimspekideild, sem einróma
samþykkti að veita prófessor Nordal gráðuna doctor litte-
rarum islandicarum, hinn hæsta heiður, sem hún á yfir að
ráða, sá ekki ástæðu til að rökstyðja þessar gerðir sínar á
nokkum hátt. Allir prófessorar deildarinnar voru á eitt sátt-
ir um það, að það lægi svo mjög í augum uppi, að prófessor
Nordal hefði svo rækilega til gráðunnar unnið með starfi sínu
við deildina og afrekum sínum í þágu fræðanna, að fullkominn
óþarfi væri að færa að því rök. Ég vænti þess, að enginn beri
brigður á þessa röklausu ályktun deildarinnar.
Ég minnist þess, er pröfessor Nordal var kennari minn í
Heimspekideild, hve mjög hann gerði sér far um að benda
okkur stúdentum sínum á, hve sæmdin hefði verið mikils vert
atriði í lífsskoðun forfeðra vorra. Og það er einmitt sæmdin,
sem ég vil að lokum leggja hér áherzlu á. Ég á ekki við þá
sæmd, sem það kann að vera prófessor Nordal að hljóta dokt-
orsnafnbót í bókmenntum, heldur hina sæmdina, sem það er
Heimspekideild Háskólans að hafa hann á skrá sinni um doc-
tores litterarum islandicarum. 1 því sambandi minnist ég setn-
ingar úr Hamðismálum, sem prófessor Nordal vitnaði til í
háskólafyrirlestrum sínum: Góðs hgfum tírar fengit, en tírinn
er í þessu tilviki miklu fremur deildarinnar en hans.
Að afhentu doktorsbréfi söng Stúdentakórinn undir stjórn
Jóns Þórarinssonar tónskálds nokkur lög. Að því loknu ávarp-
aði rektor nýstúdenta þessum orðum:
Kæru ungu stúdentar.
Háskóli Islands fagnar yður í dag, og vér kennarar Háskól-
ans bjóðum yður öll hjartanlega velkomin til náms og starfa
í skólanum. Þér eruð öll aufúsugestir, og vissulega vill Há-
skólinn taka yður tveim höndum.