Árbók Háskóla Íslands - 01.04.1967, Side 140

138
Úthlutun fyrir árið 1967 fór svo fram í janúar og var hinum nýju
reglum þá beitt. Þá þegar var Ijóst, að erfitt mundi að semja reglur,
sem allir gætu sætt sig við.
Skipulag stj&rnar stúdentagaröanna.
Fráfarandi ráð beitti sér fyrir því á starfsárinu, að stúdentar fengju
tilnefningarrétt um meirihluta Garðsstjórnar. Mætti þessi viðleitni
ráðsins góðum skilningi háskólarektors og menntamálaráðherra.
Upp úr viðræðum við háskólarektor um þetta mál spratt hug-
myndin um víðtækari og róttækari breytingar, þ. e. hugmyndin um
Stúdentastofnun. Þótti þá rétt að taka ekki skipulagsmál Stúdenta-
garðanna ein út af fyrir sig til úrlausnar, heldur freista að leysa
málin á breiðari grundvelli. Varð það því að tillögu S.H.Í., að Garðs-
stjórnarmálið skyldi einungis leysa til bráðabirgða.
Stöðugt hefur verið unnið að því að útvega fjármagn til félags-
heimilisins. Að tilhlutan háskólarektors hefur þar verið stigið mikil-
vægt skref fram á við. En m. a. hefur skortur á ákveðnum ábyrgð-
ar- og framkvæmdaaðila háð endanlegri lausn málsins. Tilkoma Stú-
dentastofnunarinnar mun bæta úr þessu, og má ætla, að bygging
félagsheimilis verði eitt af fyrstu verkefnum stofnunarinnar á sviði
byggingaframkvæmda.
Lánasjóöur íslenzkra námsmanna.
5. júní 1964 skipaði menntamálaráðherra 7 manna nefnd, er hafði
það verkefni að endurskoða gildandi lög og reglur um lánasjóð ís-
lenzkra námsmanna. Stúdentar áttu fulltrúa í nefndinni, Hörð Ein-
arsson, stud. jur. Nefndin lauk störfum sumarið 1966 og skilaði til-
lögum sínum til ríkisstjórnarinnar. Er Alþingi kom saman í haust,
lagði ríkisstjórnin síðan tillögur nefndarinnar nær óbreyttar fram
í formi lagafrumvarps. S.H.Í. athugaði frumvarpið gaumgæfilega og
sendi Alþingi síðan athugasemdir sínar. Þar eð ekki tókst að afgreiða
frumvarpið frá Alþingi fyrir jól, fór S.H.Í. ásamt S.Í.S.E. fram á
það við menntamálaráðherra, að úthlutun á þessu vori færi fram sam-
kvæmt gömlu reglunum, og féllst ráðherra á það.
S túdentastofnun.
Merkasta málið og það viðamesta, er hagsmunanefnd hafði með
að gera er án efa Stúdentastofnunin. Gert er ráð fyrir, að verkefni
stofnunarinnar verði rekstur þeirra fyrirtækja í þágu stúdenta, er
nú starfa, svo sem Garðarnir, mötuneyti og kaffistofa, bóksala og
ferðaþjónusta o. s. frv., áætlanagerðir um nýja Garða og önnur fyr-
irtæki og þjónustu og byggingastarfsemi á þessu sviði. Þá er einnig
gert ráð fyrir, að stofnunin muni að nokkru leyti annast um styrk-