Árbók Háskóla Íslands - 01.01.1991, Page 15
2
Ræður rektors Háskóla íslands
Brautskráning kandídata 21. október 1989
Kœru kandídatar og góöir gestir, ágœtu
samstarfsmenn.
Eg býð ykkur öll velkomin til þessarar
hátíðar og gleðistundar þegar kandídatar taka
við prófskírteini úr hendi deildarforseta. Þessi
athöfn staðfestir formlega að þið, ágætu kandí-
datar, hafið náð langþráðu marki og merkum
áfanga í lífinu. Við gleðjumst vissulega með
ykkur og óskum ykkur og fjölskyldum ykkar
til hamingju. Háskólanámið er bæði krefjandi
og skemmtilegt. Þið hafið þroskast mikið á
þessum árum í samfélagi nemenda og kennara
og í viðureign við erfið verkefni og margvís-
legar þrautir. Þið munuð síðar líta til þessara
ára með ánægju og vissum söknuði.
Agætu kandídatar. Háskóli Islands hefur
leitast við að veita ykkur breiða og góða undir-
stöðumenntun, traustan grunn til að byggja á,
hvort sem þið áformið framhaldsnám eða þátt-
töku í fjölþættu atvinnulífi þjóðarinnar nú að
loknu námi hér. Þið sem farið utan til náms við
aðra háskóla munuð finna að ykkar undirbún-
ingur er ekki lakari en annarra nemenda sem
koma frá hinum ýmsu háskólum. Þið munuð í
flestum efnum standa jafn vel að vígi í
samkeppninni í nánast hvaða háskóla sem er.
Háskóli íslands er stöðugt í alþjóðlegum
samanburði og samkeppni við aðra háskóla í
hinum vestræna heimi. Slíkur samanburður er
nauðsynlegur. Hann skapar það aðhald og
niótar þær kröfur sem gera verður til háskóla á
hverjum tíma. í samræmi við slík viðhorf og
alþjóðakröfur til háskóla hefur Háskóli fslands
leitast við að tileinka sér þau vinnubrögð sem
gefa bestan árangur og aukið kröfur bæði til
nemenda og háskólakennara. Kröfur til kenn-
ara og annarra sérfræðinga Háskólans um
frumkvasði, framtakssemi, afköst og ágæti í
starfi aukast stöðugt, samfara tilkomu afkasta-
hvetjandi framgangskerfis. Háskólinn er
stærsta og afkastamesta mennta- og vísinda-
stofnun landsins, sem með einum eða öðrum
hætti beinir nýjum straumum þekkingar, þjón-
ustu og tækni út um allan þjóðarlíkamann.
Þetta má sjá ljóslega í nýrri Rannsóknaskrá
Háskólans fyrir árin 1987 og 1988. Þar eru
stuttar lýsingar á um 900 rannsókna- og þró-
unarverkefnum ásamt skrá yfir ritstörf tengd
þessu rannsóknastarfi.
Næstu áform í umbótaviðleitni Háskólans
eru auknar gæðakröfur og gæðamat á kennslu
og frekari uppbygging framhaldsnáms til
meistaraprófs, svo unnt verði að þjálfa fleira
fólk í vísindalegum vinnubrögðum og auka
rannsóknir á íslenskum viðfangsefnum. Jafn-
framt er verið að kanna hvort ekki sé unnt að
veita eldri nemendum tækifæri til að stunda
nám með starfi, nokkurs konar öldunga-
deildanám. Slíkir nemendur fengju þá heimild
til að ljúka námi á lengri tíma en tíðkast hefur.
Slík þróun er tímabær því við lítum til fram-
tíðar, þar sem menntunarkröfur munu aukast
verulega, bæði kröfur um betri og breiðari
undirstöðumenntun fyrir fleiri þjóðfélags-
þegna á öllum aldri og jafnframt aukin þörf
fyrir endurmenntun til að mæta örum breyt-
ingum í atvinnuháttum. Kröfur til Háskóla
Islands munu því enn aukast, og hann verður
að vera viðbúinn að takast stöðugt á við ný
verkefni í síbreytilegu þjóðfélagi.
Kæru kandídatar, þið getið því vænst þess
að Háskóli Islands styðji ykkur síðar og sífellt
við endurmenntun ykkar, eftir því sem
þarfimar breytast. Ef þessi von og viðleitni á
að styrkjast, ef þessi þjónusta og uppbygging
Háskólans á að eflast I samræmi við þarfir