Árbók Háskóla Íslands - 01.01.1991, Blaðsíða 16
14
Árbók Háskóla íslands
þjóðarinnar, þá verðum við að fá stuðning
ykkar, fá stuðning fólksins í landinu, fá stuðn-
ing fulltrúa þjóðarinnar sem sitja á hæstvirtu
Alþingi.
Um þessar mundir búum við sem þjóð enn
einu sinni við efnahagsvanda og verðum að
spara og hagræða eftir því sem kostur er. Há-
skóli Islands mun einnig gera sitt til að spara í
rekstri, draga saman þjónustu eftir því sem
unnt er, án þess þó að skera niður eða rýra þá
menntun og þjálfun sem Háskólinn verður að
veita verðandi læknum, lögfræðingum, verk-
fræðingum og öðrum þeim sem fá hér mennt-
un til embættis- og sérfræðistarfa. Ljóst er að
verulegur niðurskurður á rekstrarkostnaði
verður erfiður vegna töluverðrar fjölgunar
nemenda á þessu háskólaári. íslenska þjóðin
gerir eðlilega miklar kröfur til Háskólans, en
kröfumar til Háskólans leggja þjóðinni jafn-
framt skyldur á herðar.
Við slíka erfiðleika vakna á ný hugmyndir
um að krefja nemendur um raunveruleg skóla-
gjöld, hugmyndir um fjöldatakmarkanir í fleiri
greinum til þess að halda niðri kostnaði, en
leitað verður fleiri hugmynda og leiða til að
mæta niðurskurði á rekstrarfjárveitingum. Það
er ekki stefna Háskóla íslands að takmarka að-
gang nemenda að Háskólanum. Það má ekki
verða þrátt fyrir þrengri fjárhag!
Stórum alvarlegri er sú fyrirætlan fjár-
málaráðherra að svipta bæði Háskóla Islands
og Þjóðarbókhlöðuna eigin tekjustofnum og
lama þannig uppbyggingu þessara stofnana.
Framkvæmdafé Háskólans er nú eingöngu
hagnaður af rekstri Happdrættis Háskólans,
sem stofnað var að frumkvæði Háskólans og
tók til starfa í janúar 1934.
Happdrætti Háskólans hefur fjármagnað
nær alla upp byggingu Háskólans í meira en
hálfa öld. Ríkissjóður hefur þó lagt Háskól-
anum til byggingarfé á ýmsum tímum og
síðast til byggingar Læknadeildarhúss. Islend-
ingar hafa fúsir stutt Háskólann með kaupum á
happdrættismiðum og þeir eru og mega vera
stoltir af Háskóla sínum, sem þeir hafa byggt
með þessum einstæða hætti, í raun með
frjálsum framlögum. Háskóli íslands er vissu-
lega háskóli allra landsmanna. Viðleitni hans
er að bæta lífið í landinu með því að veita
menntun og virkja vísindin í þágu þjóðarinnar.
Því væri það reiðarslag ef svipta ætti Háskóla
Islands ráðstöfunarrétti á eigin tekjum, svipta
hann þessu fjárhagslega sjálfræði.
Háskóli Islands bíður, eins og raunar öll
þjóðin, eftir því að byggingu Þjóðarbókhlöðu
ljúki. Bókhlaðan á að vera gjöf þjóðarinnar til
sjálfrar sín í tilefni ellefu alda búsetu í landinu
og fjármagnast með sérstökum eignaskatti.
Skattur þessi hefur verið lagður á landsmenn
en aðeins hluta hans hefur verið skilað í bygg-
ingarsjóð Þjóðarbókhlöðunnar. Þessi atlaga að
tekjustofni Þjóðarbókhlöðu og tekjustofni
Háskóla Islands er í senn lögbrot og lítilsvirð-
ing við landsmenn. Með slíku gerræði er
bygging Bókhlöðunnar tafin fram yfir aldamót
og frekari þróun og uppbygging Háskólans
stöðvuð. Við það verður ekki unað án and-
spymu.
Löggjafinn hefur á undanfömum ámm valið
þá leið að marka ákveðnar tekjur tilteknum
framkvæmdum á ýmsum sviðum. Slíkir
vemdaðir tekjustofnar hafa átt að tryggja fé til
verðugra verkefna að mati Alþingis. Nú ber að
breyta þessu fyrirkomulagi, segir í fjárlaga-
frumvarpinu, og leggja þessa tekjustofna beint
undir fjármálaráðuneytið, en tilgreindir eru
vegasjóður, framkvæmdasjóður fatlaðra og
aldraðra, lottótekjur og Happdrætti Háskóla
íslands, o.fl.
Happdrætti Háskóla íslands er í raun eitt af
fyrirtækjum Háskólans sem greiðir 20% af
hagnaði í ríkissjóð sem einkaleyfisgjald. Vart
geta fyrirtækin flokkast með sama hætti og
tilteknar skatttekjur, sem markaðar em tiltekn-
um verkefnum.
Bókhlaðan mun hýsa bæði Landsbókasafn
og Háskólabókasafn. Með sameiningu Há-
skólabókasafns og Landsbókasafns myndast
öflugra þjóðbókasafn sem þjóna á allri rann-
sókna- og fræðslustarfsemi í landinu. Með
slíkum hætti tekur Háskólabókasafn á sig
nýjar og meiri skyldur gagnvart þjóðinni.
Háskólabókasafn mun eftir sem áður verða í
mörgum deildabókasöfnum, t.d. í Odda,