Árbók Háskóla Íslands - 01.01.1991, Page 23
Ræður rektors Háskóla íslands
21
Lífið verður aldrei eins og það áður var
Háskólahátíð 30. júní 1990
Kœru kandídatar og gestir, ágœtu samstarfs-
nienn.
Eg býð ykkur öll hjartanlega velkomin til
þessarar Háskólahátíðar, er við lítum yfir far-
inn veg og afhendum kandídötum prófskírt-
eini.
A þessu háskólaári voru 4638 nemendur
innritaðir til náms. Þar af voru 2090 nemendur
á fyrsta námsári, en brautskráðir verða 540
kandídatar á árinu. Háskólastarfið hefur geng-
ið vel þrátt fyrir niðurskurð fjárveitinga, sem
torveldaði starfið á ýmsa lund og hægði á
þróun Háskólans. Kennslumálin eru í sífelldri
þróun og er stöðug viðleitni til að efla og bæta
kennsluna. í lok síðasta haustmisseris var tek-
ln UPP könnun á viðhorfum nemenda til ein-
stakra námskeiða. Slíkar námskeiðakannanir
gefa kennurum sjálfum og stjómendum náms-
brauta upplýsingar um mat nemenda á gæðum
þeirrar kennslu og þjónustu sem kennarar
veita. Þessar kannanir gefa kennurum mikil-
v®gar leiðbeiningar og einnig hvatningu þegar
nemendur kunna vel að meta þjónustuna.
Háskóli Islands hefur til þessa lagt megin-
aherslu á trausta undirstöðumenntun á mörg-
Um sviðum, auk hefðbundins kandídatsprófs
eða embættisprófs í greinum eins og lögfræði,
heknisfræði, guðfræði, íslenskum fræðum og
fleiri greinum. Á næstu misserum má hins
Vegar vænta þess að aukin áhersla verði lögð á
fiamhaldsnám og vísindalega þjálfun af ýmsu
tagi. Nú eru t.d. 6 nemendur í námi til rneist-
araprófs eða MS-prófs í Raunvísindadeild, og
fyrsti kandídatinn til meistaraprófs í raun-
visindum verður brautskráður í dag. Markmið-
>ð með framhaldsnáminu er að efla kennslu og
rannsóknir við Háskóla íslands. Með því er
etnkum stefnt að því að veita góðum nemend-
Urn tækifæri til að dýpka þekkingu sína á
hlteknu fræðasvæði eða breikka þekkingar-
grunninn með samvali greina úr fleiri náms-
brautum eða háskóladeildum. Jafnframt hljóta
nemendur þjálfun í rannsóknastörfum þannig
að framhaldsnám styrkir mjög rannsókna-
starfsemi Háskólans. Framhaldsnám til meist-
araprófs er í undirbúningi í ýmsum deildum,
svo sem Verkfræðideild, Félagsvísindadeild
og Viðskipta- og hagfræðideild. Þá hefur
nýlega verið samþykkt breyting á reglugerð
fyrir Heimspekideild þar sem nemendum er
gefinn kostur á formlegu doktorsnámi í völd-
um greinum í samvinnu við erlenda háskóla,
auk þess sem þar verður lögð aukin áhersla á
menntun kennara fyrir framhaldsskólastigið.
Samvinna við erlenda háskóla um menntun og
þjálfun vísindamanna hefur löngum verið
Háskóla Islands mikilvæg og mun verða það
áfram þótt slíkt nám fari í vaxandi rnæli fram
hér heima.
Aðstaða til kennslu og rannsókna hefur
batnað enn frekar á þessu háskólaári. í vetur
og nú í vor tókum við í notkun viðbótar-
byggingu við Háskólabíó, en það eru þrír
stórir fyrirlestrasalir. Salir þessir eru jafnframt
kvikmyndasalir, en einnig eru þeir leigðir út til
tónleikahalds og leik- sýninga, til ráðstefnu-
halds og annarra fjölmennra funda. Viðbygg-
ing þessi var reist í samvinnu við Landsbanka
íslands sem hefur þar eitt útibúa sinna og
þakka ég Landsbanka Islands farsælt samstarf
um langan tíma.
Síðastliðið haust var vígt Efna- og líftæknihús
á Keldnaholti sem var byggt sameiginlega af
Háskóla íslands og Rannsóknaráði ríkisins íyrir
hönd rannsóknastofnana atvinnuveganna. Eignar-
hluti Háskólans var fjármagnaður með afmælis-
gjöfum Reykjavíkurborgar og Rannsóknaráðs til
Háskóla íslands í tilefni 75 ára afmælis Há-
skólans. Hefur samstarf Háskóla íslands við
Reykjavíkurborg og Rannsóknaráð ríkisins verið
með ágætum um langt árabil og færi ég einnig
þessum aðilum þakkir fýrir farsæla samvinnu.