Árbók Háskóla Íslands - 01.01.1991, Page 24

22
Árbók Háskóla íslands
Þá hefur Háskóli Islands fengið nýja og
góða aðstöðu til kennslu og rannsókna í örver-
ufræði í Armúla 1, en bygging sú er að stórum
hluta „örverugarður" sem hýsir bæði veiru- og
bakteríurannsóknir Háskólans og annarra
ríkisstofnana.
Loks ber að nefna að innréttingu í síðara
hluta Odda var að ljúka fyrir mánuði og munu
35-40 kennarar og sérfræðingar við Viðskipta-
og hagfræðideild, Félagsvísindadeild og Heim-
spekideild fá þar mjög góða vinnuaðstöðu á
næstu vikum. Þótt þessum áföngum sé lokið
eru mörg verkefni framundan því að enn verða
ýmsar kennslugreinar að starfa við mjög
erfiðar aðstæður.
Til árekstra kom við stjórnvöld vegna
áforma um að gera Happdrætti Háskóla Is-
lands að ríkishappdrætti og svipta Háskólann
þannig þessum mikilvæga tekjustofni. Deilan
leystist með þeim hætti að Háskóli Islands
fjármagnaði kaup á tölvu og tölvuneti svo og
nauðsynlegum hugbúnaði fyrir Þjóðarbókhlöð-
una í stað þess að leggja fram fé til byggingar á
Þjóðarbókhlöðunni sjálfri. Stjómvöld staðfestu
hins vegar að Háskóli íslands hafi óskert
forræði yfir þessari mikilvægu tekjulind og
ráðstafi sjálfur tekjum af Happdrætti Háskól-
ans í framtíðinni.
Framkvæmdum við Þjóðarbókhlöðu miðar
hægt þótt innheimt hafi verið hundruð milljóna
króna sem sérstakur tekjuskattur vegna
bókhlöðunnar, en því fé hefur eigi verið skilað
á áfangastað. Raunasaga Þjóðarbókhlöðunnar
verður ekki rakin hér að sinni.
Háskóla íslands og Háskólabókasafni hafa
borist ýmsar veglegar gjafir. Dr. Jón Steffen-
sen, prófessor emeritus, ánafnaði Háskóla-
bókasafni bókasafn sitt og einbýlishús, Ara-
götu 3, og afhenti Háskólanum húseignina
fyrir skömmu. Bókasafn Jóns Steffensen mun
mynda sérdeild í Þjóðarbókhlöðu og bera nafn
hans. Andvirði húseignarinnar gengur síðar til
viðhalds og eflingar sérsafninu og til styrktar
útgáfu íslenskra handrita, sem tengjast sögu
heilbrigðismála.
Dr. Jón Steffensen var prófessor í Lækna-
deild frá 1937 til 1970 og kenndi einkum
líffærafræði en auk þess lífeðlis- fræði og
lífefnafræði. Jón hóf rannsóknir á beinaleifum
sem upp komu við fomleifarannsóknir í Þjórs-
árdal 1939, og leiddu þessar beinarannsóknir
til frekari rannsókna á sögu þjóðarinnar,
uppmna hennar og menningu. Jón Steffensen
vann ötullega að því að hið merka hús að Nesi
við Seltjörn, þar sem fyrsti landlæknirinn bjó
og lögð var undirstaða að læknakennslu á
Islandi, yrði fært í upprunalega mynd og
varðveitt sem þjóðareign. Er Nesstofa nú
minjasafn urn sögu lækninga á íslandi. Árið
1971 sæmdi Læknadeild Háskóla fslands hann
heiðursdoktorsnafnbót fyrir vísindastörf, og
árið 1986 varð hann heiðursdoktor frá
Heimspekideild, enda hefur hann víða komið
við í rannsóknum sínum. I bókasafni Jóns
Steffensen, sem hann og kona hans, Kristín
heitin Björnsdóttir Steffensen, hafa ánafnað
Háskólabókasafni, em yfir 5500 bindi bóka og
tímarita. Þessi merka gjöf dr. Jóns og Kristínar
Steffensen er minnisvarði þeirra hjóna og vitn-
isburður um hug þeirra til vísindaiðkana í
landinu. Færi ég prófessor Jóni Steffensen
innilegar þakkir Háskóla íslands.
í dag fór fram afhending á merkri gjöf til
Háskóla íslands og Háskólabókasafns, en það
er mikið safn vísindarita úr eigu dr. Gunnars
Böðvarssonar prófessors. Dr. Gunnar hafði
fyrir lát sitt lýst þeim vilja sínum að bækur
hans rynnu til Háskóla Islands. Ekkja Gunnars,
frú Tove Böðvarsson, og Öm sonur þeirra
afhentu Háskólabókasafni gjöf þessa formlega
nú fyrir stundu. Gunnar Böðvarsson lagði
gmndvöll að jarðhitarannsóknum og borunum
eftir jarðhita á íslandi á ámnum 1947-1964.
Árið 1964 fluttist Gunnar vestur um haf og
gerðist prófessor f stærðfræði og jarðeðlis-
fræði við Oregon State háskóla. Því starfi
gegndi hann þar til hann fór á eftirlaun 1986.
Með starfi sínu hjá Jarðhitadeild Raforku-
málaskrifstofu og síðar við Oregonháskóla
gegndi Gunnar Böðvarsson víðtækum ráð-
gjafarstörfum á sviði jarðhitamála fyrir Sam-
einuðu þjóðirnar, ríkisstjórnir margra landa,
fyrirtæki og stofnanir. Gunnar Böðvarsson
stuðlaði að rannsóknum við Háskóla fslands,