Árbók Háskóla Íslands - 01.01.1991, Page 45

43
Ávarp fráfarandi rektors Háskóla íslands
sem mun auka enn á aðstöðumun ríkra og
fátækra í landinu.
Þótt ýmsir hagfræðingar sjái allt efnahagslíf
þjóðarinnar í klakaböndum, fer því fjarri að
ástæða sé til að óttast framtíðina. Við eigum
enn auðlindir okkar, fiskimiðin, orkulindir,
óspillta náttúru og góða almenna menntun.
Við þurfum sem þjóð vissulega að vinna
markvissar og skilgreina okkar markmið og
leiðir betur en áður og taka þá smærri skref ef
þurfa þykir til að hrasa síður á grýttri leið
atvinnuþróunar. Háskólasamfélagið hefur ver-
ið samstíga og einhuga um að styrkja starf sitt,
getu, gæði og afköst. Með markvissu vinnu-
lagi hefur okkur miðað vel á veg. Ráð væri að
forystumenn fyrirtækja og stofnana nýttu sér á
svipaðan hátt liðtæka sérfræðinga Háskólans
við uppbyggingu og þróun nýrra atvinnu-
greina.
Ef íslenska þjóðin glatar fullveldi sínu þá
munu síðari kynslóðir spyrja: „Hvað gerði
Háskóli íslands á þeim örlagatímum? Hvað
gerði Háskóli íslands til að efla efnahagslegt
sjálfstæði þjóðarinnar og hvemig vildi hann
styrkja menningarlegt og stjómmálalegt sjálf-
stæði hennar?“ Á næstu ámm mun reyna á
°kkur, dug okkar og dirfsku, sjálfstraust og
sjálfsaga því að mikið er í húfi. Við verðum að
vinna að því að treysta þá þræði sem íslenskt
samfélag er ofið úr. Þann vefnað viljum við
styrkja og varðveita, en Háskóli Islands er
einn af vefstólunum. Háskólinn hefur það
hlutverk að bæta lífið í landinu með menntun
landsmanna og með því að virkja vísindi og
tækni í þeirra þágu. Þess ber að vænta að Há-
skóli íslands, bæði kennarar og stúdentar,
verði í fararbroddi í baráttu fyrir varðveislu
frelsis og fullveldis íslensku þjóðarinnar í
framtíðinni.
Lokaorð
Ágætu samstarfsmenn, ég þakka ykkur öll-
um gott samstarf og dyggan stuðning á liðnum
ámm. Þakka ég háskólaráðsmönnum samvinn-
una og starfsnefndunum farsæl störf þeirra. Eg
þakka framkvæmdastjórum stjórnsýslusviða
fyrir lipurt samstarf, trúmennsku og dyggan
stuðning. Fyrrverandi háskólaritara Stefáni
Sörenssyni færi ég þakkir mínar og háskóla-
samfélagsins. Hann hefur verið nánasti aðstoð-
armaður rektora og ráðunautur frá 1971 til
1990. Stefán hefur verið traustur og réttsýnn,
staðfastur og skilvirkur og hefur notið al-
mennrar virðingar innan Háskólans og utan.
Sérstaklega vil ég þakka konu minni, Mar-
gréti Þorvaldsdóttur, stuðning hennar og upp-
örvun á erfiðum tímum. Hún hefur tekið
virkan þátt í störfum mínum og hefur m.a.
skipulagt hin stórauknu félagslegu samskipti
sem orðið hafa innan Háskólans.
Ég óska nýjum rektor, prófessor Sveinbirni
Björnssyni, velfarnaðar í þessu mikilvæga
embætti og færi rektorsembættið formlega í
fang hins nýja leiðtoga með rektorskeðjunni,
embættistákni því sem rektor ber um háls sér
við hátíðleg tækifæri.
Óska ég Háskóla íslands og ykkur öllum
gæfu og gengis um ókomin ár.
Guð veri með ykkur.