Búnaðarrit - 01.01.1925, Blaðsíða 11
búnaðarrit
3
Á því árabili sigldi hann til Kaupmannahafnar, og
stundaSi þar nám við búnaðarháskólann veturinn 1882—
1883. Mun sú ferð hafa staðið í sambandi við það, að
þá var mikið rætt um, að koma upp búnaðarskóla á
Austurlandi, og vildu ýmsir málsmetandi menn fá Jónas
þangað fyrir skólastjóra; en hann þóttist eigi nógu vel
að sjer til þess; vildi þó ekki láta það standa fyrir, ef
til kæmi, og fór því til búnaðarháskólans þenna vetur,
þó að námsferðin kostaði allmikið.
Ekki varð þó af því, að Jónas yrði skólastjóri í það
sinn. Skólinn var að vísu stofnaður á Eiðum 1883, en
Guttormur Vigfússon frá Arnheiðarstöðum, skólabróðir
Jónasar frá Stend, varð skólastjóri.
Jónas hjelt því áfram búskap sínum á Eiríksstöðum,
þangað til vorið 1885. Þá flutti hann að Ketilsstöðum í
Hlíð og bjó þar í 3 ár.
Öll þessi ár, 1881 —1888, voru harðindaár, og ekki
hentug fyrir fjelítinn írumbýling. Þó gekk búskapur
þeirra hjóna vonum betur, og hlutú þau fljótt virðingu
og vinsældir hjá nágrönnum sínum og öðrum, sem
kyntust þeim nokkuð til muna.
Vorið 1888 sagði Guttormur Vigfusson af sjer skóla-
stjórastöðunni á Eiðum. Skoruðu þá sýslunefndir Múla-
sýslna á Jónas, að taka hana að sjer. En þá var hann
mjög hikandi, að verða við þeirri ósk, þvi að það hafði
þegar sýnt sig, að almenningur gerði meiri kröfur til
skólans en hægt var að fulinægja. Þó gaf hann kost á
því, að taka við henni til reynslu 2—3 ár. En af því
að hann bjóst við þvi, að hann mundi ekki verða þar
lengi, vildi hann ekki eyðileggja þann bústofn, er hann
þá átti. Seldi hann því fjenað sinn á leigu, en flutti
húsgögn sín, og aðra dauða muni, að Eiðum, og notaði