Valsblaðið - 01.05.2001, Blaðsíða 49
Ettir Hauk R. Magnússon
Þurfum að
taka til
Helena ðlaísdóttir nýráðinn þjalfari
meistaraflokks kvenna í knattspyrnu
í hausnum á okkur!
Helena Ólafsdóttir þjálfari segir að Vals-
stelpurnar séu meistaraefni.
kom mörgum á óvart þegar tilkynnt
Var að Helena Ólafsdóttir tæki við af
Ragnheiði Víkingsdóttur sem þjálfari
meistaraflokks kvenna í knattspymu.
Helena hefur áður þjálfað yngri flokka
KR með góðum árangri og hefur mikla
reynslu sem leikmaður með KR vel á
annan áratug. Það er því mikill fengur
fyrir Val að hafa fengið hana til starfa að
Hlíðarenda en ekki kom til greina hjá
henni að fara að þjálfa sitt gamla lið.
„Ég taldi ekki rétt að byrja að þjálfa
lið sem ég hef sjálf spilað með. Ég vildi
prófa mig á nýjum vettvangi þar sem ég
þekkti ekki mikið til,“ segir Helena.
Var það erfið ákvörðun
að taka við Valsliðinu?
„Alls ekki. Mér var boðin staðan og
fannst verkefnið spennandi. Þetta eru
óneitanlega mikil umskipti því ég var að-
eins spilandi leikmaður með KR. Nú fer
ég að þjálfa meistaraflokk og hætti sjálf
að spila.“
Hvernig er andinn í hópnum?
„Mjög góður. Margar stelpnanna hafa átt
við meiðsli að stríða og sumar hafa verið
að spila með landsliðinu upp á síðkastið
þannig að hópurinn hefur verið fámenn-
ari en ég bjóst við. En stelpumar eru
metnaðarfullar og duglegar og tilbúnar
að leggja mikið á sig. Ég hef sagt við
alla, sem vilja heyra það, að þetta sé
efnilegasti hópur sem ég hef séð í langan
tíma, fjöldi ungra stelpna. Mér líst
svakalega vel á hópinn og fyrir félagið er
þetta mjög jákvætt. Ég þekki víða til og
það er hvergi annars staðar til svona
mikill efniviður. Það er greinilegt að vel
hefur verið unnið með þessar stelpur hjá
félaginu."
Er markmiðið að gera liðið strax að
Islandsmeistara eftir 13 ára bið?
„Markmiðið er að gera liðið að Islands-
meistara en hvort það gerist árið 2002
verður að koma í ljós. Við munum fara í
hvem leik til að bera sigur úr býtum en
við verðum að gera okkur grein fyrir því
að liðið er ungt og mér hefur skilst á
stelpunum að stöðugleikann hafi vantað
á undanfömum árum. Það munum við
reyna að bæta. Hvort það tekur eitt, tvö
eða þrjú ár, verður bara að koma í ljós.
Nokkrir leikmenn skiptu um félag eftir
síðasta tímabil og það setti strik í reikn-
inginn hvað varðar þau markmið sem við
vildum setja fyrir næsta ár. En mér sýnist
vera metnaður hjá félaginu og áhugi fyrir
því sem við erum að gera. Auðvitað
mætti draga fleiri inn í þetta starf eins og
gengur og gerist í kvennaboltanum. Yfir-
leitt er frekar fámennur hópur í kringum
kvennaknattspymuna. Nokkrar „gamlar
og góðar“, sem voru í boltanum hjá Val
hér áður fyrr, em komnar inn í starfið
aftur þannig að ég vona að það verði
nokkuð stór hópur í kringum þetta hjá
okkur. Það skiptir máli.“
Muntu sakna þess að spila ekki sjálf?
„Ég get fúslega viðurkennt það. f fyrsta
sinn í langan tíma er ég nokkum veginn
heil og þess vegna prófaði ég að vera
með á æfingu um daginn. Það kitlaði að-
eins. En það að hætta er ákvörðun sem
búið er að taka.“
Hvað þarf að gerast til að Valsliðið nái
að sýna sama stöðugleika og Breiða-
blik og KR?
„Sálfræðihliðin á eftir að spila stórt hlut-
verk. Ég held að liðið þurft að fá aðeins
meiri trú á sig, að það geti lagt lið eins
og KR og Breiðablik að velli og að það
sé jafn gott og þau lið. Reyndar hef ég
ekki áhyggjur af því að þessar stelpur
verði ekki í formi og að getan sé ekki til
staðar. Við verðum aðeins að taka til
uppi í hausnum á okkur og það hefur
mér heyrst að stelpumar séu sáttar við.“
2001 Valsblaöið
47