Valsblaðið - 01.05.2001, Side 91
Ungir Valsanar
Tvistur, þristur, fjðPkí!
Atli Antonsson leikmaður 11. flokks í könfubolta
Kunnugir segja að Atli Antonsson sé í
hópi 20 bestu körfuboltapilta á Islandi,
17 ára og yngri. Hann lék með 10. flokki
í fyrravetur sem vann sig upp úr C-riðli í
A-riðil og eftir tvær fyrstu túmeringar
þessa vetrar er 11. flokkur í A-riðil, með-
al 5 bestu liða landsins. Atli er fæddur
21. maí 1985 og er á náttúrufræðibraut í
MH. Það er ekki nóg með að hann sé
handlaginn og hittinn því hann fékk 9,5 í
samræmdum prófum í 10. bekk sl. vor.
Drengurinn er að íhuga að fara sem
skiptinemi til Bandaríkjanna á næsta ári,
ekki síst til að geta spilað körfubolta af
krafti.
Atli bjó fyrstu 8 ár ævinnar í Svíþjóð
en byrjaði í körfubolta hjá Val 12 ára
gamall. „Karfan hentaði líkamsbyggingu
minni vel, “ segir Atli sem sparkaði líka
bolta í nokkur ár. „Ég er frekar stór og
sterklegur eftir aldri og finn mig vel í
körfunni.“
Atli segist leika sem tvistur, þristur
eða fjarki (hvað svo sem það táknar) en
hann var valinn efnilegasti leikmaður
yngri flokkanna í körfunni hjá Val sl vor.
Að launum hlaut hann bikar sem var gef-
inn til minningar um Einar Öm Birgis.
„Jú, þetta kom mér á óvart en samt kom
ég til greina alveg eins og nokkrir aðrir.“
Kappinn segist helst þurfa að bæta
tæknina og boltameðferðina en uppá-
haldsleikmaður hans er Vince Carter
leikmaður Toronto Raptons. I úrvals-
deildinni hefur Atli mest dálæti á Jóni
Amari Stefánssyni leikmanni KR og
bróður Óla Stef sem leikur handknattleik
með Magdeburg.
Hvað er eftirminnlegast
úr boltanum, Atli?
„Þegar við unnum okkur upp í A-riðill á
síðustu leiktíð.“
Atli hefur mest skorað 37 stig í leik
(gegn Kormáki). Hann æfir sex sinnum í
viku undir styrkri stjóm Ágúst Björg-
vinssonar sem hyggst bjóða Atla með sér
til Bandaríkjanna næsta sumar í æfmga-
búðir fyrir efnilega leikmenn.
Hvað gerirðu þegar þú
ert ekki í boltanum?
„Þá horfi ég á vídeó, en bara á góðar
myndir."
Hver stofnaði Val og hvenær?
„Það var 1911 og séra Friðrik Friðriks-
son.“
Atli Antonsson hyggstfara sem skiptinemi til Bandaríkjanna á nœsta ári.
2001 Valsblaðið
89