Valsblaðið - 01.05.2001, Side 76

Georgíumaðupinn Roland Eradze hefur slegið í
gegn hjá Val og þykir besti markvörður landsins
fypip Island?
Roland varði 3 vítaskot á 12 sekúndum gegn Fram í deildinni.
Georgíumaðurinn Roland Eradze hefur
vakið mikla athygli fyrir glæsilega
frammistöðu í Valsmarkinu í vetur og er
af flestum talinn besti markvörður deild-
arinnar. Frammistaða hans í leik gegn
Fram á dögunum var sérstaklega eftir-
minnileg þar sem hann varði sex víta-
köst, flest á lokamínútum leiksins. Þá
varði hann 3 vítaköst á 12 sekúndna
kafla. Slíkt verður væntanlega aldrei
leikið eftir. Roland sýndi stórbrotna
markvörslu í leik gegn Þór í október
(varði 31 skot) í leik sem sýndur var í
beinni útsendingu í sjónvarpinu. Roland
stefnir á að sækja um íslenskan ríkis-
borgararétt og er tilbúinn að spila fyrir
Islands hönd verði leitað til hans og þá
jafnvel í Evrópukeppninni í Svíþjóð sem
fer fram snemma á næsta ári.
„Það yrði mér heiður ef leitað yrði til
mín þegar landsliðið verður valið. ís-
lenska landsliðið er mjög gott og ég yrði
ánægður ef ég gæti spilað með því. Það
getur líka komið sér vel fyrir mig sem at-
vinnumann að geta vakið á mér athygli,“
segir Roland. Hann svaraði því í stuttu
máli hvað gerði það að verkum að hann
kom til Islands: „Eg er atvinnumaður og
umboðsmaður minn var í sambandi við
þjálfara Vals eftir að aðrir möguleikar
höfðu áður verið skoðaðir.“
Roland hóf ungur að spila í sovésku
deildinni með georgíska liðinu
Burevesnik sem var eitt fremsta lið Sov-
étríkjanna fyrrverandi. Eftir fall Sovét-
ríkjanna lék hann með Shevardeni sem
var þá eina atvinnumannaliðið eftir í Ge-
orgíu. Hann tók sér nokkurra ára hlé frá
keppni og hóf þá loks að spila aftur með
Shevardeni og lék þar þangað til hann
ákvað að ganga til liðs við Val ef undan
er skilið eitt tímabil í Iran og eitt í
Júgóslavíu sem varð heldur stutt vegna
loftárásanna sem gerðar voru á landið
fyrir tveimur árum. Hann á að baki
landsleiki með unglingalandsliði Sovét-
ríkjanna og fjölmarga landsleiki fyrir
Georgíu en hefur ekki leikið í landslið-
inu síðan að hann gekk til liðs við Val.
„Fyrir fall Sovétríkjanna var hand-
knattleikurinn í Georgíu hátt skrifaður.
Margir Georgíumenn léku þá í sovésku
deildinni sem var þá ein sú sterkasta í
heiminum. Eftir að Georgía varð sjálf-
stætt ríki vorum við skyndilega komnir
aftur á byrjunarreit. Fram að því höfðum
við fylgt öllum skipunum beint frá
Moskvu en því lauk snarlega auk þess
nauðsynlega fjármagns til að halda úti
handknattleik í hæsta gæðaflokki. Mikill
fjöldi leikmanna hætti þegar það var ekki
lengur hægt að framfleyta sér sem hand-
boltamaður. Það sama gerði ég en byrjaði
74
Valsblaðið 2001