Búnaðarrit - 01.01.1953, Page 287
BÚNAÐARRIT
285
leggingar um fyrirkomulag á prestssetrunum og skól-
anum og kom heim úr því ferðalagi þann 16. Fyrst
í ágúst stóð til fundarhald hinna norrænu bænda-
samtaka í Reykjavík, og aðstoðaði ég við undirbúning
þeirra, einkum með því að þýða fyrirlestra og er-
indi hinna íslenzku þátttakenda á dönsku. Þýddi ég
alls 8 erindi, lengri og styttri, og var cinnig leið-
beinandi hinna norrænu gesta á ferð þeirra um Suð-
urland, en fundi þeirra lauk 9. ágúst.
28. ágúst fór ég norður i Eyjafjörð, samkvæmt til-
mælum manna, er áliuga liafa fyrir að koma upp
byggðarsafni fyrir sveitirnar við Eyjafjörð. Fór ég
víða um sýsluna þar í því skyni að safna gömlum
munum, er þýðingu hefðu fyrir slíkt safn. Var ég
í einn mánuð í því ferðalagi, og söfnuðust á fjórða
iiundrað munir, sem ég gekk frá í bráðabirgðageymslu
á Akureyri. Hafa forustumenn þessa málefnis nyrðra
mikinn áhuga fyrir að þoka þessu málefni fram og
bjarga því, sem bjargað verður frá liðnum timum.
— Virðist vaknaður áhugi fyrir byggðarsöfnum í
mörgum byggðum landsins, og er það vel farið. En
sá, sem ferðast nú um sveitirnar í þjónustu þessa
málefnis, rekur sig raunalega oft á, að það er of seint
upp tekið. Frásagnir uin gamla muni, sem voru til
fyrir fáum árum, heyrir maður hvarvetna, en nú
eru þeir víða að cngu orðnir, eru horfnir með gömlu
moldarbæjunum. Úr ferðinni um Eyjafjörð kom ég
28. sept. Hélt ég mest kyrru fyrir heima við það, sem
eftir var ársins, nema frá 9.—15. okt. var ég í Vestur-
Skaftafellssýslu og gerði skipulagsuppdrátt fyrir einn
bæ þar. Alls var ég 130 daga á ferðalagi á þessu
ári. Blaðagreinar um garðyrkju o. fl. hef ég skrifað,
svo sem venja er til, og enn fremur unnið nokkur
störf í skrifstofu Búnaðarfélags íslands.
Ragnar Ásgeirsson.