Morgunn - 01.06.1949, Page 37

MORGUNN
31
ég einatt tekið þátt í tilraunum með borð á ýmsum stöð-
um og með ýmsu fólki. Árangurinn hafði eðlilega orðið
misjafn, stundum furðulega góður, en oftar lítilfjörlegur
eða þá neikvæður. Stundum fannst mér þá að ekki væri
ómaksins vert, að vera að þessu, gerði annað veifið ráð
fyrir því að maður væri, að vísu óvitandi, að blekkja
sjálfan sig, ályktaði sem svo, að hreyfingarnar á borðinu
kynnu að stafa frá ósjálfráðri starfsemi hreyfitauga lík-
amans, sem ég hafði heyrt einhvern fræðimann varpa
fram, án þess að mér væri fært, að gera mér skiljanlega
grein fyrir tilgátuskýringu hans á orsökum og tilefni slíkra
fyrirbrigða, en stundum gerðust þau atvik við þessar til-
raunir, er ekki var auðvelt að skýra með þessum hætti.
Tilviljun, eða hvað? Ég vissi það vitanlega ekki, en úr
þessu fýsti mig að fá skorið, ef unnt væri, og þá var vit-
anlega eina leiðin að halda þessum tilraunum áfram, er
færi gæfist. Fyrstu tilraunir okkar S. H. Kvarans gáfu
sæmilegar vonir um árangur. Við þær notuðum við kringl-
ótt borð, þrífætt. Platan var um 60—70 sm. að þvermáli,
og borðið sennilega um 6—7 kg. að þyngd. Það var traust
og kom það sér vel síðar. 1 fyrstu gerðist ekkert, er benti
til, að slíkra fyrirbrigða væri von, en með því að nota
stafrófið, fengum við oft einkennilega merkilega vitneskju
frá þeim, er kváðust vera valdir að hreyfingunum á borð-
inu, sögðust þeir einu sinni hafa lifað á þessari jörð. Eftir
því, sem lengur leið, virtist þessum aðiljum aukast orka,
hreyfingar borðsins urðu ákveðnari og fór þá að bera á
því, að borðinu væri lyft nokkura sentimetra frá gólfi. Eitt
kvöldið var það þrifið snöggt og óvænt úr höndum okkar,
og fundum við þá þvínær samtímis, að fætur þess námu
við höfuð okkar. Stundum fundum við, að einn fótur þess
hvíldi á höfðum okkar eða þá til skiptis á öxlum okkar.
Ef við tókum í borðið, þegar það var í þessum stellingum,
var iðulega togað á móti og það dregið af okkur. Stundum
tók ég þó þéttingsfast í það. Mér var nú orðið ljóst, að
áðurgreind tilgátuskýring mín um orsakir til hreyfinga