Morgunn - 01.12.1962, Side 25

MORGUNN
111
máls fyrir kaþólska guðíræði, trúfræði og siðfræði, og
ekki sízt gildi þess fyrir kristilega heimspeki".
Og hann segir ennfremur: „Ef réttum skilyrðum er
fullnægt, eins og þeim að forvitnisleikur með ójarðneskar
verur er útilokaður, hafa kirkjuleg (kaþ.) vísindi síður en
svo neitt á móti vísindalegu rannsóknum hins dularfulla.
Þau ættu miklu fremur að óska þess, að slíkar rannsókn-
ir yrðu reknar af ábyrgum kaþólskum mönnum, því að
í framtíðinni yrði það bæði hörmulegt og hættulegt að
þessar rannsóknir yrðu reknar af andkristnum mönnum
einurn".
Rannsóknir dularfullra fyrirbæra og sálgæzlan.
Próf. Hohenwarter heldur áfram sínu máli.
„Sálgæzlustarf vorra tíma er í ríkara og ríkara mæli
þjónusta við fólk, sem beðið hefir andlegt og líkamlegt.
skipbrot. Tjón það, sem menn hafa beðið á trú sinni og
siðgæði, er miklu alvarlegra en allur eignamissir. En nú-
tímatækni Vesturlanda gefur fólki greiða leið að margs-
konar nautna- og deyfilyfjum. Tvennt fer saman, af-
kristnun geigvænlegs fjölda manna og þáð, að fólkið
verður móttækilegt fyrir áróður sértrúarflokkanna. Það
tvennt verður að fara hjá oss saman, að vér afhjúpum
lygi-spámenn og leitum í sálgæzlu vorri hinna dýpri or-
saka vandamálanna.
Eigum vér þá að leggja stund á parapsychologíu ? Ég
svara eindregið játandi. Ég svara út frá reynslu minni
í sálgæzlustarfi og ég svara með efnishyggju vorra tíma
í heimsskoðun og nautnalífi í huga. Þessi marghöfðaða
óvættur rænir marga trúnni á líf eftir dauðann og eilífa
ábyrgð mannsins. Hinn óheillavænlegi efi um framhald
lífsins gengur nær og nær kristindóminum. Til margra
nútímamanna náum vér ekki lengur með hinum gömlu
prestaguðfræðilegu aðferðum. Þeir verða ekki sannfærð-
ir með öðru en ómótmælanlegum staðreyndum. Menn
með heilbrigðu hugsana- og tilfinningalífi krefjast sann-