Morgunn - 01.06.1972, Qupperneq 42

40
MORGUNN
hversu honum beri að haga sinni lífsgöngu hér á jörðu til þess
að vinna sér sálubót, og til að undirbúa þroska sinn á þeirri ei-
lífðarbraut, er stefnir til sameiningar sálarinnar við hinn æðsta
veruleika, — eða eins og það er orðað í Orðskviðum Sólómons:
„Laun réttlátra er Drottinn11.
Nú munu einhverjir eflaust hugsa, þetta er dularfullt tal og
næsta lítið á þessum vangaveltum að græða. — Er ekki þetta
allt svífandi í lausu lofti og beinlínis hugarflug út í bláinn? Við
viljum gjarnan heyra eitthvað um frásagnirnar af þeim raun-
veruleika að handan, sem þessar rituðu opinberanir eiga að
birta þeim er vilja leita og rannsaka, eftir þvi sem við verður
komið. — Þetta er mér einkar ljúft að gera, enda var það lil-
gangurinn; að vísu verður að stikla á stóru vegna tímans, en
vonandi tekst að leiða fram nokkur atriði, sem geta orðið efni til
hugleiðinga og gefið innsýn í hvað menn geta átt von á að
finna með leit og grannskoðun upplýsinganna, en á slíkri að-
ferð er einmitt mikið að græða, eins og nánar skal vikið að.
Brezki lávarðurinn og hershöfðinginn Dawding hefur ritað
merka bók, er hann nefndi Margar vistarverur. Bók þessa rit-
aði hann eftir að hafa lesið fjölda bóka um sálarrannsóknir og
dularreynslu, en án þess að hafa sjálfur nokkru sinni kynnzt
miðilsfyrirbærum af eigin raun. Hann sagðist hafa fengið þó
köllun, er hann hætti störfum sem yfirforingi brezka flughers-
ins í síðustu styrjöld, órið 1943, — en hann stjórnaði loftvörnum
Lundúna gegn Þjóðverjum, — að hugga þær hrelldu sálir er
átt höfðu syni, feður og aðra aðstandendur, sem tapað höfðu lífi
sínu undir hans stjórn í hinum æðislega hildarleik. — Hann
segir í formála bókarinnar að þrátt fyrir skort á eigin reynslu
hafi hann við lesturinn á bókum þeim, er hann vísar til, öðlazt
slíka vissu um framhaldslífið, að hann hafi aðems eitt um það
að segja, en það er: „Ég get ekki annað en trúað“. Þessi bók
var þýdd á íslenzku árið 1948, af Víglundi Möller og Krist-
mundi Þorleifssyni.
Það, sem merkast er þó við fræðslu af þessu lagi, er hin
og í því eru fólgnir fjölþættir lærdómar. — Ef timinn leyfði