Faxi - 01.12.1983, Qupperneq 20

Ú tvegsmannafélag
Suðumesja 20 ára
Aðalfundur Útvegsmannafélags Suðurnesja
var haldinn í Stapa, Ytri-Njarðvík, 16. október
sl., var það20. aðalfundur félagsins.
Formaður félagsins, Eiríkur Tómasson,
Grindavík, setti fundinn og bauð félaga vel-
komna. Þá bauð hann sértstaklega velkomna á
fundinn, þá Kristján Ragnarsson formann
L.Í.Ú.,ogJónas Haraldsson lögfræðing L. í. Ú.
Fundarstjóri var kjörinn Ólafur B. Ólafsson,
Keflavík, og fundarritari Jón Ægir Ólafsson,
Sandgerði.
í setningarræðu formanns sem kemur hér
annarsstaðar í blaðinu kom fram meðal annars,
að þann 12. nóvember 1963 var stofnfundur að
félaginu haldinn í Keflavík. Stofnendur voru
27. Fundarstjóri var kosinn Margeir Jónsson,
Keflavík, og Kristján Ragnarsson, núverandi
formaður L.Í.Ú. kosinn fundarritari.
A stofnfundinum var enn fremur mættur Sig-
urður Egilsson þáverandi framkvæmdastjóri
L.Í.Ú. sem lasog skýrði samþykktir fyrir félag-
ið.
Samþykkt var með samhljóða atkvæðum að
stofna félagið og nefna það „Útvegsmannafé-
lag Suðurnesja.“.
í fyrstu stjóm voru kosnir Ásgrímur Pálsson,
Benedikt Jónsson, Margeir Jónsson allir úr
Keflavík. Tómas Þorvldsson og Þórarinn Pét-
ursson frá Grindavík. Páll Ó. Pálsson, Sand-
gerði og Guðmundur Jónsson frá Rafnkels-
stöðum í Garði.
Stjórnin skipti með sér verkum, þannig: Þór-
arinn Pétursson, formaður, Margeir Jónsson,
gjaldkeri og Páll Ó. Pálsson, ritari.
Áður höfðu starfað tvö Útvegsbændafélög
hér á Suðurnesjum, Útvegsbændafélag Kefla-
víkur, sem stofnað var í apríl 1936 og Útvegs-
bændafélag Grindavíkur stofnaði 15.6. 1945.
Þá voru nokkur útgerðarfyrirtæki á þessu svæði
beinir aðilar að L.Í.Ú.
Næstu ár á eftir stofnun Útvegsmannafélags
Suðurnesja, starfaði Útvegsbændafélag Kefla-
víkur áfram, og hafði fyrst og fremst það verk-
efni að reka talstöð fyrir fiskiskipaflotann á
svæðinu.
30. mars 1967, samþykkti Útvegsmannafélag
Suðurnesja að yfirtaka rekstur talstöðvarinnar
og hefur séð um þá starfsemi síðan.
Árið 1970 var Huxley Ólafsson ráðinn fram-
kvæmdastjóri félagsins sem hlutastarf, fram á
árið 1974, þá tók við framkvæmdastjórn Ingólf-
ur Arnarson frá Vestmannaeyjum, var hann í
fullu starfi, og gegndi því til ársloka 1979, að
hann réðist til Fiskifélags íslands. Eftir það
hefur Halldór Ibsen, Keflavík, verið fram-
kvæmdastjóri félagsins.
Undanfarin ár hefur Útvegsmannafélag Suð-
urnesja verið stærsta félag landsins innan
L.í. Ú., og fylgir hér í blaðinu listi yfir skipaeign
félagsmanna, en það eru 108 skip, samtals
17982 rúmlestir.
Litlar breytingar hafa orðið á lögum félagsins
frá stofnun fyrr en nú að stjórnarmönnum hef-
ur verið fjölgað úr sjö í níu.
Frá stofnun hafa eftirtaldir útgerðarmenn
verið formenn félagsins.
Formenn Ú.F.S. frá upphafi.
1. Þórarinn Pétursson Grindavík 1963-1964 og 1966-1967
2. Margeir Jónsson Keflavík 1964-1965
3. JónasGuömundsson Sandgeröi 1%5-1966
4. Halldór Ibsen Keflavík 1967-1968
5. Þorsteinn Jóhannesson Garði 1968-1969 og 1974-1975
6. Dagbjartur Einarsson Grindavík 1969-1970 og 1972-1973
og 1978-1979
7. Þórður Jóhannesson Kcflavík 1970-1971
8. Jón Ægir Ólafsson Sandgeröi 1971-1972
9. EinarKrirtinsson Keflavík 1973-1974 og 1976-1977
10. Einar Símonarson Grindavík 1975-1976
11. Ólafur B. Ólafsson Sandgeröi 1977-1978
12. Gunnlaugur Karlsson Keflavík 1979-1980 og 1980-1981
13. Eiríkur Guðmundss. Garöi 1981-1982
14. Eiríkur Tómasson Grindavík 1982-1983 og 1983-1984 ^
Suöurnesjamenn
Við óskum öllum
Suðurnesjamönnum
gleðilegra jóla
og farsældar
á komandi ári.
SAMBAND SVEITARFÉLAGA Á SUÐURNESJUM
-
220-FAXI