Morgunn - 01.06.1987, Page 44

skáldanafn sitt tók hann sér síðar. Rúmlega tvítugur gerðist
hann kennari við háskólann í Nizza, en kenndi síðar í París.
Auk ritstarfa og kennslustarfa fékkst hann einnig við tilraunir
með það sem hann kallaði „sjón án augna“ og skrifaði bók um
þær með því nafni. Hann kallaði þennan hæfileika „auka-net-
himnusjón“ eða „aukasjónskyn“ og í bók sinni lýsir hann
reynslu sjálfs síns og víðtækum tilraunum, sem hann gerði á
þessum hæfileikum til að sjá án augna.
Fyrir allmörgum árum fór fram tilraun í sjúkrahúsi einu í
Washington þar sem kona að nafni Margaret Foss sýndi hvernig
hún gat „lesið" prentað mál með bundið fyrir augun. Sama til-
raunin var gerð mörgum sinnum í viðurvist marga lækna og sál-
fræðinga, en þó að þarna væri augljóslega um að ræða raun-
verulega hæfileika, neituðu þeir að viðurkenna það, sem þeir
þó sáu, einfaldlega vegna þess að þeim var um megn að skilja
það sjálfir. Frá þessum tilraunum var skýrt í blaðinu The Miami
Herald árið 1957. Árið 1960 sýndi Margaret Foss opinberlega
hæfileika sína aftur í Bandaríkjunum.
Tímaritið „Life“ birti 12. júní árið 1964 heilsíðugrein þar sem
getið var um rannsóknir, sem fram höfðu farið í Sovétríkjunum
á sjónskyni af þessu tagi og fylgdu þau ummæli greininni að
þarna væri um furðulega og stórkostlega uppgötvun að ræða.
Rosa Kuleshova hin rússneska skynjaði ekki aðeins liti og
prentstarfi með fingurgómunum, heldur einnig með olnbogun-
um. Sovéskir vísindamenn kölluðu þennan hæfileika „hör-
undssjónskyn“.
Það verður að telja býsna óheppilegt fyrir þá, sem höfðu
rannsakað hæfileika Margaret Foss, að þeir skyldu verða til
þess að afneita hæfileikum hennar beinlínis og eingöngu vegna
eigin vanþekkingar. Brátt var uppgötvun hinna sovezku vís-
indamanna opinberlega viðurkennd, en í þessu sambandi er þó
vert að minnast þess að bók Jules Romains um þetta efni hafði
þegar birst árið 1924.
Enskur líffræðingur, sem snemma á þessari öld starfaði við
háskólann í Cambridge, fékk áhuga á rannsóknum Kilners. Tók
hann undir þá skoðun hans að með litarefninu dicyanine væri
hægt að skynja útgeislun frá líkamanum, en þar sem honum
42
MORGUNN