Saga - 1987, Síða 114

112
KJARTAN ÓLAFSSON
Austfjörðum, á Vestmannaeyjum, hér í Faxaflóa og undir
Jökli?... en þá má og öllum gefa að skilja, hvar að hljóti að reka
með fiskiafla og fiskverslun sjálfra vor, ef margar slíkar fisk-
verkunarstofnanir kæmust hér upp, og 100.000 skippund eður
meira af miklu betur verkuðum fiski heldur en vér eigum kost
á að hafa í boði yrðu höfð á boðstólum um hina bestu fisk-
markaði Evrópu, áður en hinn lakari fiskur héðan kæmist
þangað.1
Bænarskrá ísfirðinga gegn nýlendustofnun Frakka.
Töldu lítið gefandi fyrir tollfrelsi í Frakklandi
yrðu starfsskilyrði sjávarútvegs íslendinga eyðilögð
Þann 2. desember 1856 var efnt til fundar á ísafirði um Dýrafjarðar-
málið. Þjóðólfur frá 8. nóvember var þá kominn í hendur ísfirðinga.2
Pað voru kjósendur Jóns Sigurðssonar forseta, sem nú settust á rök-
stóla. Niðurstaða fundarins varð sú, „að eins og nú væri högum vor-
um háttað mundi það verða að öllu leyti óhagur fyrir oss, ef bón þessi
yrði veitt þeim" [þ.e. Frökkum].3
Á fundinum var kosin fimm manna nefnd til að semja bænarskrá
og undirskriftum safnað næstu daga undir plaggið. í alþingisskjölum
frá 1857 hefur varðveist afrit af þessari „Bænarskrá til Alþingis um að
afbiðja, að frakknesk nýlenda verði stofnuð við Dýrafjörð". Afritið er
með hendi Jóns Sigurðssonar forseta og neðst á síðasta blaðið hefur
hann skrifað: „Samhljóða bænarskrá með 392 nöfnum, dags. ísafirði
2. desember 1856. Rv. 8. júlí 1857 Jón Sigurðsson".4 Annað afrit af
bænarskránni er varðveitt á Landsbókasafni (JS 113 fol.). Par hefur
Jón Sigurðsson skrifað neðst „Orginallinn er ekki sendur heldur af-
skrift og nafnafjöldans aðeins getið neðanmáls, nl. 392 nafna."
í bréfi franska flotaforingjans Demas til alþingis sumarið 1855 voru
nefnd fáein atriði, sem orðið gætu Vestfirðingum til hagsbóta yrði
1 Þjóðólfur 9. árg. 3. tbl., 8.11. 1856, bls. 9 og 10.
2 Lbs. JS 113 fol. „Skoðun mín á Fiskiverkunarstofnun Frakka á Dýrafirði". Álitsgerð
Magnúsar Einarssonar, - viðbætir.
3 Bókasafn Alþingis: Alþingismál 1857. Afrit af bænarskrá ísfirðinga til alþingis „um
að afbiðja að frakknesk nýlenda verði stofnuð við Dýrafj."
4 Sama heimild.