Saga - 2003, Síða 14

12
MARGRÉT GESTSDÓTTIR RÆÐIR VIÐ SUE BENNETT
fugl. Svipað má segja um félagssögu. Þetta er því mjög breytilegt
í Evrópu og því má ekki gleyma að sagnfræðirannsóknir geta
verið mjög flóknar, of flóknar til að unglingar skilji þær, og því
kann að taka langan tíma fyrir niðurstöður rannsókna að skila sér
inn í námsefni. Póstmódernisminn hefur tvímælalaust haft áhrif á
sumar námskrár í sögu: Enska námskráin leggur t.d. áherslu á að
nemendur læri að túlka heimildir. Þessi krafa kom fram á dögum
Margrétar Thatcher þegar menn óttuðust mjög að farið yrði að
nota söguna á pólitískan hátt, að hún færi að snúast einvörðungu
um bresk mikilmenni en sniðgengi alla aðra, þar á meðal almenn-
ing. Því hefur verið lögð á það áhersla að nemendur kynntust
uppbyggingu sögunnar í gegnum ýmiss konar miðla. Og allt í
einu stóðu menn frammi fyrir því að nemendur sem höfðu verið
þjálfaðir í þessu frá unga aldri voru sannfærðir um að enginn
sannleikur væri til. Hætt var að spyrja þá hvert eftirfarandi atriða
væri rétt og fremur reynt að fá þá til að rökstyðja hvernig heim-
ildir eða upplýsingar leiddu þá að tiltekinni niðurstöðu, hvers
vegna sagan hefði verið túlkuð á ákveðinn hátt. Þama tvinnast
saman póstmódernísk áhrif og breskur empírismi, að svo miklu
leyti sem hægt er að blanda þessu saman. Þetta gengur nú í gegn-
um námskrána fyrir öll aldursskeið. Eg tel að þetta hafi gert sög-
una að bæði fágaðri og flóknari kennslugrein en jafnframt er stund-
um erfitt að festa hendur á sambandinu á milli þess sem heimild-
irnar segja og þess sem hægt er að gera úr þeim vitnisburði. Þetta
þýðir þó ekki að sumar röksemdir séu ekki mikilvægari en aðrar.
Hvað sem öðm líður þurfa nemendur að meta það sjálfir.
— Mörgum nemendum finnst svo flókin saga allt of erfið og vilja
heldurfá „svörin" svart á hvítu.
I Englandi eru nemendur látnir takast á við flókin verkefni frá
unga aldri. Atta til níu ára börn geta skoðað ólíkar túlkanir. Við
verðum reyndar að byrja snemma vegna þeirra sem hætta að læra
sögu við 15 ára aldur. Umræðan um notkun frumheimilda er
gömul í Englandi.3 Notkun þeirra varð þó hvorki almenn né
markviss fyrr en með svokölluðu Schools Council History Project
3 Sjá Tony McAleavy, „The use of sources in school history 1910-1998: a
critical perspective", Teachihg History, 91. tbl. (maí 1998).