Saga - 2003, Síða 66

64
VIÐAR PÁLSSON
sem vitnisburð um keypt völd. Snorri heimti fé af Ormi Svínfell-
ingi þegar þeir deildu árið 123127 og Ormur stóð gegn Snorra
tveimur árum síðar þegar Snorri deildi við Kolbein unga öðru
sinni.28 í millitíðinni, þegar Snorri deildi við Kolbein unga 1232,
studdi Ormur Snorra. Ástæðan var sú að Snorri gaf upp fjárkröf-
ur sínar á hendur Ormi í skiptum fyrir stuðning hans í málinu.29
Hvernig sem á málið er litið er Snorri að gefa Ormi fé. Hann um-
breytir fjárkröfu í stuðning og eykur þar með völd sín í þessu til-
tekna máli gegn Kolbeini unga.
Ljóst er að Snorri keypti sér ekki völd með auði sínum. Á móti
öllum þeim vitnisburði um að auður Snorra hafi ekki gert stöðu
hans í valdabaráttunni betri en annarra sem höfðu nokkurt fé en
þó margfalt minna en Snorri, og að goðorð sín og mægðir hafi
hann ekki keypt með auði sínum, stendur eitt dæmi um keyptan
stuðning. Ekki einu sinni sýnir þetta eina tilfelli Snorra leita til
annars höfðingja sem engar skyldur átti við hann og kaupa af
honum stuðning og fylgi með beinni greiðslu. Það er mögulegt
að menn eins og Snorri hafi keypt sér fylgi annarra en þar sem
ekkert liggur fyrir um það er betra að stíga varlega fram í fullyrð-
ingum þar um.
Ef auður tryggði völd er þá ekki undarlegt að sá sem allra mest
þráði völdin og átti sannarlega mesta auðinn hafi orðið undir í
baráttunni? Það finnst mér. Af öllu þessu hlýtur að spretta spurn-
ingin: Ef auður Snorra hefur ekki verið honum vopn í sókn til
valda og áhrifa, hvers vegna lagði hann þá slíkt ofurkapp á auð-
söfnunina? Þetta er mjög erfið spuming. Svarið liggur ekki á
lausu. Það svar sem margir fræðimenn hafa gefið, og felst í því að
tengja auðsöfnunina valdabaráttunni, hlýtur engan stuðning af
heimildum. Þar sem Sturlunga styður ekki þá tilgátu að Snorri hafi
safnað auði sér til styrktar í valdabaráttunni, og auðsöfnun hans
var ekki dæmigerð fyrir höfðingja á Sturlungaöld, kemur svarið
lítið sem ekkert við efni þessarar rannsóknar.
Auður Snorra umfram aðra gat ekki af sér völd honum til
handa. Þvert á móti má greina skaðleg áhrif af fastheldni Snorra á
auðinn. Völd Snorra byggðust að miklu leyti á bandalögum og
27 Sturlunga saga I, bls. 344.
28 Sturlunga saga I, bls. 374.
29 Sturlunga saga I, bls. 359.