Saga - 2003, Page 129

GLÍMT VIÐ GAMLA GÁTU
127
för eða fékk úr henni fregnir af atvinnu- og staðháttum í Þingeyj-
arsýslu auk lýsingar á kláfi og hengibrú yfir Jökulsá á Brú. Gísli afi
hans hafði verið prestur í Selárdal við Arnarfjörð á árunum
1546-1550 og 1551-1556 og officialis yfir Vestfjörðum (milli Gils-
fjarðar og Geirhólms sem nú nefnist Geirólfs(g)núpur).162 Fyrri
kona hans og amma Sigurðar var Kristín Eyjólfsdóttir frá Haga á
Barðaströnd. Hafíslýsingin í Qualiscunque gæti verið komin frá
Vestfjörðum og jafnvel sá fróðleikur að „á vorum dögum" hafi
hvítabimir verið drepnir með lagspjótum og kastvopnum163 og að
fiskbein séu notuð sem eldsneyti í Grímsey - ef átt er við þá sem
liggur úti fyrir mynni Steingrímsfjarðar en á henni var býli í eigu
Skálholtsstóls. Landaskipan á norðurhafakorti Sigurðar er mjög
svipuð hugmyndum um hana í Qualiscunque eins og Sigurður
Þórarinsson bendir á.164 Ef Sigurður Stefánsson er höfundur
Qualiscunque skýrist betur hvers vegna verkið kom ekki út á
sextándu eða sautjándu öld því að sviplegur dauði hans 1595
hefði fremur aftrað því en óframfærni eða annríki biskupsins allt
til dauðadags 1630. Um leið verður skiljanlegra af hverju máls-
metandi sautjándu aldar menn á borð við Brynjólf Sveinsson og
Árna Magnússon segjast ekki vita hver höfundurinn sé. Kannski
koma fleiri til greina en Sigurður Stefánsson; það er að minnsta
kosti ekki haíið yfir allan vafa að Oddur Einarsson hafi samið
frumgerðina að Qualiscunque descriptio Islandiae.
162 Biskupasögur Jóns prófasts Hal[l]dórssonar í Hítardal I, bls. 118-119. - Páll
Eggert Ólason, Menn og menntir II, bls. 506-512. - Sami, Saga íslendinga IV,
bls. 211-213.
163 Islandslýsing, bls. 98. - ,,[Á] vorum dögum" er þýðing Sveins Pálssonar á
orðatiltækinu „nostra memoria" (,svo oss reki minni til'). Qualiscunque,
bls. 45.
164 Sigurður Þórarinsson, „Nokkur orð um Islandslýsingu Odds Einarsson-
ar", bls. 22-24.