Vera - 01.02.2003, Blaðsíða 3

/ LEIÐARI
+
Hæstiréttur
fyrir að staðfesta rétt Reykjavikurborgar til að setja bann við
einkadansi í lögreglusamþykkt sína. Nú þarf Alþingi líka að
leggja sitt af mörkum til að innflutningi á nektardönsurum
verði hætt og breyta lögum um starfsemi næturklúbba.
Auglýsingaherferð V-dagsins
þar sem athygli er vakin á vinanauðgun. Með sterkum mynd-
um er m.a. þessi texti: „Hefur þú rétta mynd af nauðgurum?
Þrír af hverjum fjórum nauðgurum eru vinir eða kunningjar....
Ert þú vinur í raun?"
Femínistinn
Póstlisti sem Rannsóknastofa í kvennafræðum kom af stað og
heldur uppi umræðum um málefni út frá femínísku sjónar-
horni. Til að skrá sig á póstlistann er hægt að senda nafn sitt á
netfangið: fem@hi.is
djamm.is
Netsíða sem gefur sig út fyrir að upplýsa fólk um það sem er
að gerast á „djamminu" en mest áhersla er lögð á myndir sem
sýna ungar stúlkur í niðurlægjandi aðstæðum. Myndirnar af
biautbolaþvottinum á bónstöðinni Stjörnubóni eru gott
dæmi um það, (sjá .... ha? bls. 74).
Erótískar nuddstofur
sem eru farnar að spretta upp og bjóða svipaða þjónustu og
fram fór í einkadansklefunum. Á meðan karlar eru til i að
borga fyrir kynlífsþjónustu virðist þeirri eftirspurn vera sinnt
°9 nýr markaður opnast þegar annar lokast.
Strætó bs.
fyrir að hætta akstri næturvagna um helgar. Hugmyndin á
bak við næturaksturinn var m.a. að auðvelda ungu fólki að
komast heim til sín á ódýran hátt og einnig að reyna að koma
1 veg fyrir þá hættu sem getur skapast þegar ungar konur
húkka sér far með mönnum sem hafa annað í huga en að
keyra þær heim, eins og dæmin sanna.
Konur sem tilraunadýr
„Mér finnst að konur á mínum aldri hafi verið notaðar
sem tilraunadýr, bæði hvað varðar p-pilluna, horm-
ónapillurnar og lyfið tamoxifen sem konum er gefið eftir
að þær hafa fengið brjóstakrabbamein. Ég notaði pilluna
ekki mikið, hún fór ekki vel í mig svo ég fann aðrar leiðir.
Mér er sagt að pillan sem konum var gefin upp úr 1970
myndi ekki vera gefin svínum í dag."
Þessi orð eru tekin úr einu af viðtölum okkar við konu
sem tók hormónalyf í sjö ár en greindist þá með
brjóstakrabbamein sem læknar telja líklegt að hafi or-
sakast af neyslu hormónanna. Bandaríska rannsóknin
sem birtist í sumar leiddi einmitt í Ijós að við neyslu sam-
settra hormóna aukast líkur á því að konur fái
brjóstakrabbamein um 26%. Þegar niðurstöður þessarar
rannsóknar voru kunngerðar hafði milljónum kvenna ver-
ið ráðlagt að neyta hormóna til að verjast einkennum
breytingaskeiðsins. Þær áttu að bæta sér upp þann skort
sem minnkandi framleiðsla östrógens var talin valda lík-
amanum og lyfjaframleiðendur möluðu gull. Nú, þegar
þessi tegund lyfja hefur verið rannsökuð vakna margar
konur upp við vondan draum. Það er ekki skrýtið þótt
viðmælandi okkar líki sér og jafnöldrum sínum við til-
raunadýr - hvað annað er hægt að kalla þetta?
Það er skrýtin tilhneiging lyfjaframleiðenda og
læknastéttarinnar að leggja líkama kvenna aftur og aftur
undir tilraunastarfsemi af þessu tagi. Þannig var það með
getnaðarvarnapilluna á sjöunda og áttunda áratugnum
og síðan hormónapilluna sem konur um allan hinn vest-
ræna heim hafa neytt í áraraðir. Oft var það orðað á
blómaskeiði kvennahreyfingarinnar að karlmenn ættu að
taka á sig hluta af þeirri byrði sem fylgir getnaðarvörnum,
t.d. í pilluformi. En sú pilla var aldrei framleidd. Ekki hefur
heldur heyrst að framleidd hafi verið pilla til að bæta
körlum upp þá breytingu sem verður á líkama þeirra um
miðjan aldur, alveg eins og líkama kvenna. Nei, líkami
þeirra hefur aldrei verið talinn tilraunadýr - það var ekki
fyrr en stinningarlyfið var fundið upp sem þeir voru til í
að fórna sér, enda til mikils að vinna að þeirra mati.
Hér á landi jókst neysla hormónalyfja úr 13% í 50 % á
tíu árum. Það er því mikill fjöldi íslenskra kvenna sem þarf
að íhuga vel þær niðurstöður sem vísindamenn hafa
komist að varðandi óæskileg áhrif þess lyfs sem þær hafa
tekið í góðri trú á hverjum morgni árum saman. En það er
aldrei of seint að breyta um lífsstíl og taka málin í sínar
hendur. Um það snýst kvennabaráttan.

vera / leiðari / 1. tbl. / 2003 / 3