Vera - 01.02.2003, Blaðsíða 60
Jóhanna Helga Halldórsdóttir
/ ÚR DAGBÓK KÚABÓNDA
Tíminn og mamman
»Mér finnst vera örskotsstund síðan voru áramót. 2002 að hverfa af
skjánum og 2003 nýtt og ferskt tók sér bólfestu um leið og hitt hvarf.
Breiddi sig yfir Island, þéttbýlið og sveitirnar, þrengdi sér inn í húsin
og vitundina, bara nokkuð velkomið víðast hvar.
4»
Það eru samt blendnar tilfinningar sem láta á sér kræla við
áramótin. Ósjálfrátt förum við að hugsa til baka og rifja
upp. Hvað gerðist? Hvað var minnisstæðast? Hvað ætlum
við að gera öðruvísi á nýja árinu? Eða vorum við ánægð
með allt á gamla árinu og viljum engu breyta? Myndirnar
koma í hugann, misáþreifanlegar.
Þegar búið er að dúndra flugeldunum í loftið, úða í sig tertunum
og horfa á Stellu í orlofi sem er enn jafn fyndin og í gamla daga,
er ég búin að rifja upp árið 2002. Það tók ekki lengri tíma, bara
eins og að skreppa á milli ára í forritinu Búbót og skoða! Og hvort
sem ég er sátt við árið sem leið eða ekki, verð ég strax að byrja á
þessu nýja. Skipta um dagbók, gera áramótaheit, segja „í fyrra".
Finnst eins og venjulega tíminn vera afstæður og skrýtin upp-
finning og ekkert að marka hann. Ef það er eitthvað að marka
tímann, hvers vegna er þá aldrei TÍMI til neins?
Upprifjunin byrjar á gleðistundunum, það er alltaf þannig,
við byrjum á því góða og geymum það erfiða. Afmæli, vinafund-
ir, ferðalög og svoleiðis. Hugurinn reikar og sterkasta og áþreif-
Haraldur Teitsson
KRYDDBOKIN
Upplýsingar um kryddjurtir
og náttúruleg bragðefni
í þessari auknu og endurbættu útgáfu eru einnig
upplýsingar um lækningamátt kryddjurta
Kryddbókin fæst í öllum helstu
matvöruverslunum og bókabúðum.
anlegasta myndin frá árinu eraf lítilli fimm ára stúlku með skóla-
tösku og íþróttapoka og við litli bróðir hennar að fylgja henni
fyrsta skóladaginn. Hún rosa spennt, við eins og asnar þar sem
við göngum inn í skólann á eftir henni hlaupandi. Fráþært veður,
svolítil rigning í logni. Kennarinn hennar tekur vel á móti henni
og öllum hinum í tilvonandi fyrsta bekk, leyfir þeim að lita á með-
an hún talar við okkur foreldrana. Við bróðir hennar heyrum ekki
neitt, og ég hugsa bara um það hvað hún sé lítil og ósjálfbjarga
miðað við hina krakkana, hún verður ekki sex fyrr en seint í des-
ember. Yngsti nemandinn í skólanum... svona eru hugsanir min-
ar og ég spyr ekki um neitt nema hvort sé gæsla og hvort sé ekki
líka gæsla og aðstoð í sundi og íþróttum. Veit þetta samt allt því
ég á þrjú önnur börn í skólanum, en mér leið örugglega ekki
ENDALAUSAR ÁHYGGJUR HVERNIG HÚN
PLUMAR SIG í ÖLLU, SKÓLABÍLNUM,
KOMA SÉR í ÚTIFÖTIN, FÁ SÉR AÐ
BORÐA í MÖTUNEYTINU, ÉG HUGSA
VARLA UM ANNAÐ DÖGUM SAMAN.
svona þegar þau voru að byrja! Svo förum við, hún á að koma
heim með skólabílnum, ég viss um að hún fer að skæla þegar við
förum en hún vinkar bara, niðursokkin í hópinn. Endalausar
áhyggjur hvernig hún plumar sig í öllu, skólabílnum, koma sér í
útifötin, fá sér að borða í mötuneytinu, ég hugsa varla um annað
dögum saman. Allir segja mér að þetta verði í fína lagi! Er klár á
því að ég er móðursjúk en ekki hún. Bílstjórinn hjálpar henni inn
og útúr bílnum og setur hana í beltið líka, kennarinn hjálpar
þeim í mötuneytinu, brytjar ofan í þau ef þarf og gæslufólkið
stjanar við þau út og inn. Veit það er ekki hægt að hugsa betur
um hana en hef samt áhyggjur. Veit ekki hvað hinum foreldrun-
um fannst þarna fyrsta daginn, þorði ekki að spyrja.
Það hvarflar að mér þegar á líður haustið og veturinn og hún
eignast fimm nýjar vinkonur og finnst gjörsamlega allt skemmti-
legt í skólanum, hvort við höfum f rauninni nokkrar stærri
áhyggjur í lífinu en af fólkinu okkar og hvort því líði vel og hvort
ekki sé allt í lagi hjá því? Það er sjálfsagt sterkt í eðli okkar mann-
fólks að hafa áhyggjur af öllu mögulegu, en mér virðist sem flest-
ir hlutir hljóti að vera í lagi eða úrleysanlegir einhvern veginn,
bara ef við sjálf, börnin okkar og þau sem okkur þykir vænt um
eru í lagi og ef þeim líður vel við það sem þau eru að gera.
Ég loka dagbókinni á eftir Stellu í orlofi þegar ég er búin að
skrifa stórt TAKK á öftustu síðu. Hlakka til að sjá Stellu í framboði
einhvern tíma, opna nýju óskrifuðu dagbókina og skrifa efst á 1.
janúar: Velkomið nýja ár.
60 / úr dagbók kúabónda / 1. tbl. / 2003 / vera