Vera - 01.02.2003, Blaðsíða 37

/ ATHAFNAKONUR
múrverk, flísar eða annað slíkt sem
gleður augað.“
Kristín varð stúdent úr Verslunar-
skólanum 1985, byrjaði að búa og hóf
um haustið nám í viðskiptafræði við
Háskóla Islands. Því hætti hún eftir tvö
ár þegar hún eignaðist drenginn Bjarna
Þór. Eftir skilnað eignaðist hún annan
strák, Högna Frey, sem er 11 ára og
kynntist síðan manninum sínum fyrir
níu árum. Þau eignuðust dótturina sem
nefnd var og reka saman heimilið, fyrir-
tækið og hestabúskapinn. „Allt er þetta
stílað á ævarandi hamingju," segir
Kristín hlæjandi og við krossum okkur í
launri. „Eiginlega var það kallinum mín-
um að þakka að ég dreif mig aftur í
skóla, svona til að klára það sem byrjað
var á einhverntíma og bæta svo við hag-
nýtu námi.“
Valtýr fór í Bændaskólann og Kristín
í Tækniskólann til að ljúka viðskipta-
fræðinni. Hún tók BS-próf í rekstrar-
tæknifræði árið 2000. Svo skellti hún sér
beint í múraranámið, hagsýn kona og
handlagin, vegna þess „að það er allt
fullt af viðskiptafræðingum sem sumir
fá enga vinnu. En iðnaðarmenn vantar
og múrarar bera ábyrgð á býsna mörgu í
einu. Þeir koma að byggingum á öllum
stigum; úti og inni; grunni, járnalögn-
um, flísum og gólfurn. Þetta er fjögurra
ára nám í Iðnskólanum og tæpur helm-
ingurinn bóklegur. Hitt er verklegt, hjá
meistara og ég passaði mig auðvitað á
því að fara ekki til mannsins míns. Þá
hefðu einhverjir getað sagt, núnú, hún
fékk þetta bara á silfurfati."
Eftir sveinspróf hélt Kristín áfram í
meistaranám í Iðnskólanum og því lýk-
ur hún eftir fáeinar vikur. Þetta er
kvöldskóli og það mun vera meira en að
segja það að mæta snentma í vinnu við
múrverk, vera allan daginn og fara svo í
skólann fram til níu á kvöldin. Börn,
hundur og hestar þurfa einnig athygli og
allt gerist þetta í uppmælingu eins og
múrara er háttur.
„Það er dálítill stimpill á kollegum
mínum að þeir séu prímadonnur; mæti
á staðinn og ætlist til að allt sé tilbúið til
að vaða í verkin. Þau geta verið frá
mósaíklögn á sturtuklefa til múrverks á
stóru húsi eins og hér á ínóti."
Við sátum til að byrja með á kaffihúsi
við Hverfisgötu og Kristín benti á Þjóð-
menningarhúsið. „Svo hafa múrarar
steypt lágmyndir á mörg hús í bænum,
lagt stórar myndir úr mósaíkflísum eftir
forskrift listamanna og sumir mótað
sjálfir form sem gefa húsum karakter."
Kristín telur kost hvað múrverkið er
fjölbreytt, það þurfi ekki endilega að
vera erfitt. Henni þykir flísalagnir henta
sér vel, sérstaklega ef hún fær einhverju
að ráða. Strákunum sem hún vinni með
þyki ekkert skrítið lengur að hafa konu í
vinnuskúrnum, karlremban hafi fljótt
bráð af þeim og heimskulegir ljósku-
brandarar fari inn um annað eyra og út
um hitt. „Eiginlega er miklu rneira af
stælum í mönnum með hálsbindi á
hreinlegum skrifstofum heldur en félög-
um mínum í múrverkinu. Þetta eru hag-
sýnir og snöggir menn, blátt áfram og
vafningalausir. Svolítið eins og ég sjálf.“ X
EIGINLEGA ER MIKLU MEIRA AF STÆLUM ( MÖNNUM MEÐ HÁLSBINDI Á
HREINLEGUM SKRIFSTOFUM HELDUR EN FÉLÖGUM MÍNUM í
múrverkinu. ÞETTA ERU HAGSÝNIR og SNÖGGIR MENN, blátt ÁFRAM
OG VAFNINGALAUSIR. SVOLÍTIÐ EINS OG ÉG SJÁLF.
Healing Herbs
blómadroparnir fást
á Græna torginu
í Blómavali víð Sigtún.
Mikið úrval af
heilsu- og sœlkeravörum.
Lögð áhersla á lífrœnar afurðir.
Opið alla daga til kl. 21.00
UéfMWill
Reykjavík. • Akureyri
Selfoss • Reykjanesbær
www.blomaval.is
vera / athafnakonur / 1. tbl. / 2003 / 37