Vera - 01.02.2003, Blaðsíða 56

Karlmennska innan Lögreglunnar
AmarGíslason
»Fyrir skömmu skilaði Guðjón Hauksson BA ritgerð sinni „Karlmennska, það
er ég: Hugmyndir lögreglumanna um lögreglustarfið, sjálfa sig og kynferði", í
félagsfræði við Háskóla íslands undir leiðsögn Þorgerðar Einarsdóttur lektors í
kynjafræði. Ritgerðin er byggð á viðtölum sem tekin voru við sjö lögreglu-
þjóna (tvær konur og fimm karla) og fjóra lögreglunema (þrjá karlkyns og
einn kvenkyns) og hún fjallar um lögregluna útfrá femínísku sjónarmiði.
Helstu umfjöllunarefni Guðjóns eru karlmennska í starfinu og staða kvenna
innan lögreglunnar. VERA settist niður með Guðjóni, sem nú stundar MA nám
í félagsfræði við HÍ, yfir djúsglasi og ræddi við hann um ritgerðina.
4,
Guðjón segist hafa dottið niður á að
rannsaka viðhorf löggæslufólks eftir að
hafa sjálfur starfað sem sumarafleys-
ingamaður í lögreglunni. Sem áhuga-
maður um kynjafræði og femínisma
þótti honum upplagt að rýna aðeins í
þennan heim sem, enn sem komið er, er
að miklu leyti stjórnað af körlum.
„Mig langaði til að skoða kynjavídd-
ina í lögreglunni, sérstaklega hvers kon-
ar hugmyndir ríkja þar um karl-
mennsku. Lögreglan hefur alltaf verið
karlastofnun og stærstur hluti lögreglu-
fólks eru karlar. Meðal þess sem mig
langaði að kanna var hvers konar andi
ríkti innan þessa karlahóps og hvernig
konum sem ganga í lögregluna væri tek-
ið áf félögum sínum.“
Upphaflega hugmyndin
Fyrst stefndi hugur Guðjóns að því að
kanna kynmenningu innan Víkinga-
sveitarinnar. „Sérsveit lögreglunnar,
Víkingasveitin, þótti mér nokkuð heill-
andi vettvangur, lokaður hópur sem I
hefur afar sérstaka ímynd. Grímuklædd-
ir karlar, vopnaðir og mystískir, sérstak-
lega þar sem nokkur leynd hvílir yfir
sveitinni, þjálfun hennar og meðlimum.
Lítið hefur verið fjallað um Víkinga-
sveitina, ef undanskilin er umfjöllun
fjölmiðla þegar sveitin er kölluð á vett-
vang, og ekki er neina fræðilega umfjöll-

56 / karlmennska í lögreglunni / 1. tbl. / 2003 / vera