Heimilisritið - 01.11.1948, Qupperneq 14

ungis ómeiddur. Ljáirnir höfðu
ekki skorið hann.
Ensku læknarnir liöfðu fylgzt
nákvæmlega með öllu þessu.
Það var með öllu útilokað, að
hægt væri að koma við neins-
konar brögðum. Við urðum að
játa, að við vorum furð'u lostnir.
Eg varð álíka furðu lostinn í
annað skipti, þegar ég sá svip-
aðan ósæranleik hjá vakandi
manni, án þess nokkurskonar
dvali hjálpaði honum til að kom-
ast í annarlegt ástand.
Það var í Istambul. Þar sá ég
förumunk, beran að beltisstað,
er lét stinga rýtingi „í“ kvið sér.
Ég set orðið „í“ innan gæsa-
lappa vegna þess, að' líkami
mannsins stóðst rýtinginn eins
og stálbrynja. Ekki var svo mik-
ið sem skinnspretta. Við rann-
sökuðum bæði manninn og
vopnið vandlega. Við stóðum
rétt hjá, er tilraunin var gerð.
Sú efnafræðilega og líffræði-
lega starfsemi, sem veldur því,
að húðfrumurnar í mannslíkam-
anum verða ósæranlegar, er að'
mestu órannsökuð enn sem kom-
ið er, þó fyrirbrigðin sjálf séu
margsinnis staðfest. Svipuð þess-
um áðurnefndu fyrirbrigðum er
sú tiltölulega algenga athöfn að
liggja á oddhvössum göddum án
þess að saka.
A ferðum mínum í Asíu sá ég
oft fólk liggja á slíkum göddum,
ganga berfædd á glóandi kolum,
stinga löngum oddhvössum
nöglum eða prjónum í kinnarn-
ar, tunguna, handleggina og fæt-
urna — án þess að blæð'a.
A síð'ustu tímum hefur vísind-
unum orðið ljóst, hve sterk áhrif
hugurinn getur haft á starfsemi
líkamans, jafnvel sjálfa líffæra-
gerðina. Sérstakar hugsanir og
geðsliræringar — svo sem ótti —
geta valdið málleysi, lömun eða
máttleysi í útlimum. Kvíði og
áhyggjur, sem eru í rauninni ein
tegund ótta, geta valdið maga-
sári, hjartabilun o. fl. kvillum.
Það er viðurkennd staðreynd,
að áköf einbéiting hugans getur
útilokað sársauka. I bardaga
veita menn því stundum ekki at-
hygli, þó þeir særist. Það stafar
af því, að' hugurinn er svo al-
tekinn af liita bardagans, að
sársaukatilfinningar gætir ekki.
1 dáleiðslu, eða sefjunará-
standi, er fólk einnig oft ónæmt
fyrir sársauka. Astæðan er sú,
að dáleiðsla er í raun og veru á-
köf einbeiting, sem fæst með því
að útiloka allar utanaðkomandi
truflanir. Dáleiðsla er líka stund-
um notuð við skurðað'gerðir í
stað svæfingar.
Óeðlilega áköf einbeiting get-
ur jafnvel valdið samdrætti æð-
anna og' komið í veg fyrir að
blæði úr sárum.
Gagnstætt þessuin fyrirbrigð-
12
HEIMILISRITIÐ