Læknablaðið : fylgirit - 15.12.1996, Blaðsíða 64

64
LÆKNABLAÐIÐ 1996; 82/FYLGIRIT 34
Sú aðferð sem notuð er í þessari rannsókn er að
sá sem prófaður er sér þrjár myndir. Hann heyrir
um leið eina setningu og það sem hann á að gera
er að benda á þá mynd sem best lýsir því sem hann
heyrði. Fengið var leyfi Vísindasiðanefndar
Læknafélags íslands til að gera þessa rannsókn
hérlendis.
Niðurstöður og ályktanir: Nú stendur yfir töl-
fræðileg úrvinnsla á þessum gögnum og nú þegar
er ljóst að íslenskir sjúklingar með málfræðistol
haga sér svipað og þeir sem önnur tungumál tala.
Það virðist svo til viðbótar vera okkar sjúklingum
í hag að verða málfræðistola á íslensku, þessu
málfræðilega flókna tungumáli.
E-103. Opin samanburðarrannsókn á
áhrifum desógestrels 0,075 mg á dag
samanborið við áhrif getnaðarvarnar-
lykkju (Multiload Cu 375) á brjóstagjöf
Helga Gottfreðsdóttir, Ragnheiðurl. Bjarnadóttir,
Reynir T. Geirsson,
Frá kvennadeild Landspítalans
Inngangur: Getnaðarvarnartöflur sem inni-
halda aðeins gestagen (GAG; samanber prog-
estagen only pills, POP) hafa verið notaðar hjá
konum með börn á brjósti en verkunarmáti þeirra
er aðeins að þykkja slímtappann í leghálsi
kvenna. I ljós hefur komið að þriðju kynslóðar
gestagenið desógestrel hindrar egglos þegar gefið
eitt og sér og gefur því meira öryggi sem getnaðar-
vörn. Nauðsynlegt var að kanna áhrif þess á magn
og samsetningu brjóstamjólkur hjá mjólkandi
mæðrum og ákvarða útskilnað niðurbrotsefnisins
etónógestrels í brjóstamjólk. Samanburðarhópur
kvenna sem notuðu lykkjuna var valinn um leið.
Athugað hversu vel getnaðarvörnin þoldist hjá
báðum hópum og fylgst með vexti og þroska barn-
anna.
Aðferðir: Þátttakendur voru heilbrigðar konur
með börn á brjósti, 41 kona fékk lykkju en 42
getnaðarvarnartöflur sem innihalda aðeins gesta-
gen. Sama eftirlit var viðhaft með báðum hópun-
um. Meðferðartími var sjö 28 daga tímabil. Fylgst
var með líðan kvennanna gegnum færslu sér-
stakra dagbóka og með læknisskoðun. Sólar-
hringsmagn brjóstamjólkur var ákvarðað og
mjólkursýnum safnað kerfisbundið til að ákvarða
samsetningu mjólkurinnar.
Niðurstöður: Enginn munur var á sólarhrings-
magni og samsetningu brjóstamjólkur (fita,
eggjahvíta, mjólkursykur) hjá hópunum tveimur.
Ekki reyndist heldur munur á vexti barnanna.
Marktæict fleiri konur í GAG hópnum höfðu
aukaverkanir sem þó voru vægar og tengdust oft-
ast æxlunarfærum (fyrst og fremst milliblæðing-
ar).
Ályktun: Inntaka desógestrels 0,075 mg á dag
hefur^ekki áhrif á magn eða gæði brjóstamjólkur
eða vöxt ungbarna meðan á tökunni stendur.
Fyrirhugað er að fylgja börnunum eftir til að
minnsta kosti 30 mánaða aldurs til að bera saman
vöxt og heilsu barna í rannsóknar- og samanburð-
arhópunum.
V-l. Fourier-greining á áhrifum GABA-
agonista á sveifluspennur í sjónhimnu
Ársœll Arnarsson, Þór Eysteinsson
Frá Lífeðlisfrœðistofnun HÍ
Inngangur: I öllum dýrategundum hafa mælst
aðgreinanlegar sveifluspennur í sjónhimnuriti
með tíðni á bilinu 50-150 Hz. Við athuguðum
hvort munur væri á áhrifum GAB Aa- og GAB Ab-
agonista á b-bylgju sjónhimnurits og sveiflu-
spennur. Fourier-greining var gerð til að skoða
áhrifin á mismunandi tíðnisvið.
Aðferðir: Sveifluspennur voru skráðar úr yfir-
flæddum augnbikar Xenopus laevis, sem komið
var fyrir í ljósheldu Faraday-búri. Örskaut með
viðnám milli 5-50 megaQ, voru fyllt með Ringer-
lausn og rennt niður í augnbikarinn í um skrefum.
Uttakið var leitt úr formagnara yfir í offsettmagn-
ara með lágtíðnisíu og þaðan inn í tölvu.
Niðurstöður: GABAb-agonistinn baclofen (0,1
mM) dregur úr spennu b-bylgjunnar án þess að
hafa áhrif á sveifluspennur. Fourier-greining sýn-
ir að baclofen dregur sérhæft úr spennu á tíðni-
sviðinu 0-50 Hz, en hefur engin áhrif á hærri tíðni.
GABAa-agonistinn AVA (0,1 mM) dregur hins
vegar úr sveifluspennum, en hefur lítil áhrif á
b-bylgju. Fourier-greining sýnir að AVA veldur
því að afl svörunar á tíðnisviðinu 0-50 Hz hliðrast
til vinstri og að veruleg spennulækkun verður á
tíðnisviðinu 70-150 Hz.
Ályktanir: Niðurstöður okkar sýna að GAB Aa-
agonistar, sem virkja mjög margar frumugerðir,
draga sérhæft úr spennu hátíðniþátta. GABAb-
agonistar, sem sýnt hefur verið fram á að auka
ljóssvörun skammærra frumna en draga úr svörun
viðvarandi frumna í innri sjónhimnu, draga sér-
hæft úr spennu lágtíðniþátta. Þetta bendir til þess
að samsvörun geti verið milli svarlengdar tauga-
frumna í innri sjónhimnu og heildarafsvörunar
sjónhimnunnar.
Verkefnið var styrkt af Rannsóknarnámsjóði
Menntamálaráðuneytisins (ÁA) og Rannís (ÞE).