Félagsbréf - 01.07.1957, Blaðsíða 111

ANDRÉS BJÖRNSSON
Tvelr rltdómar
Eirmr Ól. Sveinsson: VIÐ UPPSPRETTURNAR (Helga-
fell).
Kristján Eldjám: KUML OG HAUGFÉ úr heiðnum sið
á Islandi (Norðri).
JglNAR ÓL. SVEINSSON prófessor á að baki sér langan og
merkan rithöfundarferil og umfangsmikið starf að rann-
sóknum og útgáfu fornrita svo sem alkunnugt er. í fyrra kom
út eftir hann hjá Helgafelli greinasafn, sem nefnist Við upp-
spretturnar.
Greinasafn þetta ber að sjálfsögðu glögg mei'ki höfundar síns,
sem almenningi eru kunn af fyrri verkum hans, og það bregð-
ur upp mynd af yfirgripsmikilli þekkingu og hugðarefnum fjöl-
menntaðs bókmenntafræðings, en umfram allt unnanda og brjóst-
varnannanns íslenzkrar tungu og menningar í fortíð og nútíð.
Höfundur þessarar bókar skilur flestum betur, hvílíkur geysi-
vandi og vegsemd það er að halda í hendi sér sjálfu fjöreggi
þessarar þjóðar, svarinu við gátunni um tilvist hennar, — mennt
hennar og menningu í þúsund ár.
Greinarnar í þessari bók eru ritaðar á mörgum árum og til-
efni þeirra margvísleg. Lang oftast er þó efni þeirra sótt í
uppsprettur íslenzkrar þjóðmenningar, sem höfundurinn hefur
löngum setið við. Um tilefni greinanna er það að segja, að hér
er að finna formála, ritdóma, erindi flutt á minningardögum
skálda og ágætismanna í íslenzkri menningarsögu, ræður, flutt-
ar fyrir íslenzka uppalendur og erlenda íslenzkuunnendur. Fjór-
ar síðustu ritgerðirnar fjalla um útlenda menn, þótt þær séu
einnig tengdar íslenzkum efnum öðrum þræði.