Sveitarstjórnarmál - 01.02.1988, Blaðsíða 23

KYNNING SVEITARFÉLAGA
Dvalarheimli aldraðra á Reykhólum,
sem tekið verður í notkun að hluta til t.
marz. Húsið teiknaði Bjami Óskarsson,
byggingarfulltrúi í Mýrasýslu.
að allur lambaárgangurinn fór í sjóinn.
í haust var búfé sett á vetur í landareign
Reykhóla alls 1119. Mjólk er aðeins seld frá
Grund, en kýr eru fyrir heimilið á Seljanesi.
Ræktað land er skráð: í Tilraunastöðinni 32,4
ha, á býlinu Grund 28 ha, á Mávavatni 15,1 ha,
Seljanesi 11,7 ha og á smábýlum og túnum
ýmissa um 42 ha.
Á árinu 1986 var stofnað garðyrkjubýlið ,,í
Görðum” á 5 ha lands. Það gerðu hjónin Ólafur
Þóroddsson, garðyrkjumaður, og kona hans
María Björk Reynisdóttir, sem fluttust á staðinn
og reistu sér 250 ferm. gróðurhús, þar sem þau
rækta grænmeti. Selja þau afurðirnar á staðnum
eða senda þær á markað í Búðardal eða í
Reykjavík.
D valarheimili aldraðra
Að frumkvæði heilsugæzlustöðvarinnar í
Búðardal var hinn 16. júní 1979 boðað til fundar
á Reykhólum um málefni aldraðra í sýslunni. Á
fundinum var samþykkt, að gerð skyldi athugun
á högum aldraðra í héraðinu, á þörfum þeirra og
óskum varðandi vistunarrými og á valkostum í
því sambandi. Mikill áhugi var á málinu, og var í
framhaldi af þessum fundi stofnað sameignar-
félag um byggingu dvalarheimilis aldraðra á
Reykhólum. Að félaginu stóðu Geiradals- og
Reykhólahreppur ásamt öllum félögum í hrepp-
unum, s.s. búnaðarfélögum, ungmennafélögum
og kvenfélaginu ,,Liljunni“ í Reykhólahreppi,
sem beitti sér fyrir framkvæmdum og hét stuðn-
ingi sínum eins og fleiri félög. Á árinu 1983 var
síðan hafizt handa um byggingu dvalarheimilis-
ins, og var byggt eftir teikningu, sem Bjarni
Óskarsson, byggingarfulltrúi í Mýrasýslu, gerði.
Húsið var gert fokhelt á því ári, en síðan hafa
framkvæmdir legið niðri sökum fjárvöntunar,
þangað til nú í haust, að hafizt var handa á ný.
Er nú unnið að því að innrétta 300 ferm. af neðri
hæð hússins, og er ákveðið að taka þann hluta í
notkun hinn 1. marz nk. Kemst þá í gagnið
vistrými fyrir 8 manns. Húsið er á tveimur
hæðum. Neðri hæð er 860 ferm. að stærð og sú
efri 616 ferm. og því samtals 1476 ferm. Jafn-
framt hefur teikningu verið breytt í þá átt, að
húsið rúmi fleiri en ráðgert var í upphafi, jafnvel
um 40 manns, því að brýn þörf er í byggðarlag-
inu á sérhönnuðu húsnæði aldraðra. Dvalar-
heimilið hefur hlotið nafnið Barmahlíð. Nýlega
hefur María Björk Reynisdóttir verið ráðin for-
stöðumaður þess.
SVEITARSTJÓRNARMÁL 17