Sveitarstjórnarmál - 01.02.1988, Qupperneq 30

SAMTALIÐ
forða, og allt var borðað súrt og saltað. Annað
var ekki til yfir háveturinn. Fyrst, þegar ég man
eftir mér, var farið tvisvar til þrisvar á ári í kaup-
stað út í Flatey. Síðustu þrjá veturna kom flóa-
báturinn Baldur úr Stykkishólmi einu sinni á
mánuði að Firði.”
— Hver voru helztu verkefni hreppsnefnd-
arinnar?
,,Síðustu árin voru þau nær eingöngu að sjá
um grenjavinnslu og minkaveiði og að reyna að
halda þessu svona gangandi, þangað til hreppur-
inn yrði sameinaður austursýslunni, sem við,
þessir síðustu íbúar hreppsins, óskuðum alltaf
eftir.”
—Var félagsheimili í sveitinni?
,,Já, ungmennafélagið Vísir, sem starfaði í
Múlahreppi, byggði samkomuhús í Vattarnesi á
árunum upp úr 1930. Félagið hélt þar fundi og
samkomur fram yfir 1940 til 1950, eða þangað til
Félagsheimilið í Vattarnesi. Finnbogi Jónsson tók myndina.
fólkinu fór verulega að fækka. Sömuleiðis var
þetta þinghús hreppsins. Allar samkomur í
hreppnum fóru þar fram, svo sem framboðs-
fundir, og þar voru fundir hreppsnefndarinnar
haldnir. Einnig voru í sveitinni búnaðarfélag og
lestrarfélag”.
—Var gamalt bókasafn í sveitinnni?
,,Já, í sveitinni var gamalt bókasafn, stofnað
1849, og var það fært milli býla eftir því, hver
var formaður lestrarfélagsins hverju sinni.
Svoleiðis var það nú. Enn eru til einhverjar
bækur úr safninu.”
— Eruð þið hjónin bæði úr Múlasveit?
,,Já, ég er fæddur í Vattarnesi 10. ágúst 1917
og ólst þar upp. Konan mín, Þórdís Magn-
úsdóttir, er frá Ingunnarstöðum úr sömu sveit,
fædd 11. október 1927. Faðir minni keypti
Skálmarnesmúla árið 1940, og fluttist ég með
honum þangað. Ég fór síðan að búa þar árið
1950, og þar áttum við heima síðan ásamt fjór-
um börnum okkar.”
—Fluttust þið beint til Reykjavíkur?
,,Nei, við bjuggum tvö fyrstu árin syðra í
Hveragerði, en höfum síðan búið við Hraunbæ í
Reykjavík.”
— Hvernig þóttu þér skiptin?
,,Ég fann ekki mikið fyrir þeim. Ég kann alls
staðar vel við mig. Ég er í heimasveitinni hvert
sumar og nærri hálft árið, svo að ég veit ekki
ennþá, hvernig það er að vera farinn alfarinn að
vestan.”
U. Stef.
24 SVEITARSTJÓRNARMÁL