Sveitarstjórnarmál - 01.02.1988, Blaðsíða 41

TÖLVUMÁL
Innkaupastofmm
ríkisins semur um
tölvukaup
Innkaupastofnun ríkisins hefur
gert rammasamning við Radíó-
búðina hf. um kaup á allt að 3500
Macintosh tölvum og Apple tölvu-
búnaði. Ríkisstofnanir, sveitarfé-
lög, skólar, svo og stofnanir ríkis og
sveitarfélaga geta gengið inn í
þau kjör, sem um hefur verið
samið. Vegna þessa magns er
verðið mun hagstæðara en ella.
Gert er ráð fyrir, að tölvurnar
komi í tveimur stórum sendingum
það, sem eftir er ársins. Til þess
að fá tölvur afgreiddar í maí, þarf
pöntun að hafa borizt fyrir 20.
aprö, og til afgreiðslu í nóvember
fyrir 20. október. Pöntun þarf að
fylgja fyrirframgreiðsla, sem
nemur 75% af áætluðu verði vör-
unnar.
Sérstök pöntunareyðublöð eru
látin í té þeim, sem óska að taka
þátt í þessum sameiginlegu inn-
kaupum. Hafa þau verið send
skólum og ríkisstofnunum, og
þau eru fáanleg ásamt nánari
upplýsingum hjá Kára Hall-
dórssyni í Innkaupastofnun ríkis-
ins að Borgartúni 6 í Reykjavík, í
síma 91-26844.
Það var fyrir frumkvæði mennta-
málaráðuneytisins, að Innkaupa-
stofnun ríkisins kannaði mögu-
leika á hagkvæmum innkaupum á
tölvum og tölvubúnaði. Sérstök
nefnd hefur á vegum ráðuneytis-
ins kannað tölvunotkun í skólum,
og hefur Jóhann P. Malmquist,
prófessor, verið formaður hennar.
Kannað var m.a., með hvaða
hætti væri hagkvæmast að nota
tölvur við verkefna- og náms-
gagnagerð á kennarastofum og
hvaða gerð tölva hentaði slíkum
verkefnum bezt. Haldið var nám-
skeið á vegum ráðuneytisins og
Háskóla (slands í þessu skyni, og
tóku þátt í því kennarar í fimm
grunnskólum í Reykjavík, Hafnar-
firði, Kópavogi og á Akranesi. Á
námskeiðinu voru notaðar Apple
tölvur, sem Apple fyrirtækið
lánaði. Árangurinn þótti lofa svo
góðu, að hliðstæð námskeið eru
nú í bígerð í skólum annars staðar
á Norðurlöndum.
Menntamálaráðuneytið hefur
nú skrifað skólastjórum grunn- og
framhaldsskóla bréf um áramótin
og kynnt þeim framangreint til-
boð um tölvur til notkunar á kenn-
arastofum. Einnig mun einstök-
um kennurum standa til boða að
eignast slíkar tölvur með sama
hætti og fyrirtækjum og stofnun-
um ríkis og sveitarfélaga.
Bæklingastandar
íúrvali
^HF.QFNASMIBJAN
SÖLUDEILD
HÁTEIGSVEGI7, S: 21220
/ kennslustofu i Fjölbrautskóla Suðurlands á Selfossi. Tölvur þessar eru ekki af Mac-
intosh-gerö. Ljósm. U. Stef.
SVEITARSTJÓRNARMÁL 35