Sveitarstjórnarmál - 01.02.1988, Qupperneq 50

HEILBRIGÐISMÁL
pappíra landssambandsins að undanförnu og skoðað
fundargerðir frá þessum fyrstu árum þess, sé ég ekki
betur en að verkefni sambandsins nú séu enn þau
sömu, þótt með öðrum áherzlum sé. Nú eiga 28
sjúkrahús aðild að Landssambandi sjúkrahúsa, en
þær stofnanir geta orðið sambandsaðilar, sem
fullnægja 4. kafla laga um heilbrigðisþjónustu frá
1983. Ríkisspítalar eiga því miður ekki ennþá aðild
að samtökunum, en vonandi verður þar fljótlega
breyting á. Viðræður hafa farið fram við
forráðamenn Ríkisspítala um aðild þeirra, en af
ýmsum ástæðum, sem of langt mál yrði að rekja hér,
töldu Ríkisspítalar sér ekki fært að gerast aðilar að
Landssambandi sjúkrahúsa, þegar það var stofnað
á árinu 1962.
Á stofnfundinum 1962 var Björgvin Sæmundsson
kosinn formaður landssambandsins, og gegndi hann
því embætti til ársins 1971, er Haukur Benediktsson
tók við. Haukurgegndi formannsstarfi í sambandinu
til ársins 1985, þegar undirritaður tók við. Aðrir í
stjórn eru: Björn Ástmundsson, Reykjalundi;
Hafsteinn Porvaldsson, Selfossi; Ólafur Erlendsson,
Húsavík, og Sæmundur Hermannsson, Sauðárkróki.
Útgáfa fréttabréfs
Landssambandið hóf útgáfu fréttabréfs árið 1984,
og hafa komið út alls 6 fréttabréf síðan. Misjafnlega
hefur gengið að halda fréttabréfi þessu úti. í
fréttabréfunum hefur verið vikið að málefnum
Sjúkrahúsið á Akranesi.
spítalanna á ýmsan hátt. Þar hefur verið fjallað um
hagræðingu í rekstri, innkaupamál spítalanna,
hjúkrunarfræðingaskort, daggjaldamál,
rekstrarform sjúkrahúsanna, samvinnunefnd
sjúkrahúsa og fl. Á það hefur skort, að aðilar að
sambandinu tjái sig á vettvangi fréttabréfsins. Ég vil
nota þetta tækifæri til þess að hvetja
sveitarstjórnarmenn til þess að skrifa í fréttabréfið
eða í Sveitarstjórnarmál um málefni sjúkrahúsanna,
því af nógu er að taka. Fréttabréfið hefur farið víða.
Því hefur verið dreift til þingmanna og ráðuneytis,
og auk þess er það sent á öll sjúkrahús landsins.
Daggjaldamál
Daggjaldanefnd ákveður nú daggjöld fyrir samtals
35 stofnanir, auk dvalarheimila fyrir aldraða, en 18
sjúkrahús eru nú rekin á föstum fjárlögum, en 13
sjúkrahús færðust yfir á það kerfi frá 1. janúar 1987,
og verður komið að því hér á eftir.
Þær stofnanir, sem daggjaldanefnd ákvarðar
daggjöld fyrir, eru sjúkrastofnanir ýmissa
sveitarfélaga, sem og sjálfseignarstofnanir og
einkastofnanir. Störf daggjaldanefndar hafa á sl. 2
árum verið í föstu formi. Lítið hefur áunnizt í því að
fá endurskoðað grunngjald stofnananna.
Einvörðungu hefur verið tekið tillit til
rekstrarhækkana, sem rekja má til verðlagsþróunar
á þessu tímabili. Þó er þess að geta, að samþykkt
hefur verið að taka taxta og gjaldflokka
44 SVEITARSTJÓRNARMÁL