Sveitarstjórnarmál - 01.02.1988, Blaðsíða 68

ÝMISLEGT
Sveitarfélögin 215 talsins
I ársbyrjun 1988 eru sveitarfélög
landsins 215 aö tölu. Hafði þeim
fækkað frá byrjun síðasta árs um 7,
en þá voru þau 222.
Fækkunin á árinu var fólgin í því,
að Hrófbergshreppurog Hólmavíkur-
hreppur urðu einn hreppur, Hólma-
víkurhreppur, 1. janúar það ár, Ketil-
dalahreppur og Suðurfjarðahreppur
urðu Bíldudalshreppur 1. júlí, fimm
hreppar Austur-Baröastrandarsýslu
sameinuðust I Reykhólahrepp 4. júlí,
og loks voru Eskifjarðarkaupstaður
og Helgustaðahreppur í
Suöur—Múlasýslu sameinaðir I Eski-
fjarðarkaupstað frá 1. janúar þessa
árs.
Hreppar landsins eru frá byrjun yfir-
standandi árs 187 að tölu, en bæir
eða kaupstaðir 28. Hafði þeim
fjölgað á árinu um 5, og hefur
bæjum aðeins einu sinni áður
fjölgað jafnmikið á einu ári, á árinu
1974, er fimm hreppar öðluðust
kaupstaðarréttindi.
Fjölgun bæjanna á árinu 1987
fólst í því, að Stykkishólmshreppur
varð Stykkishólmsbær 18. maí,
Egilsstaðahreppur varð Egilsstaða-
bær 24. maí, Hveragerðishreppur
varð Hveragerðisbær 1. júlí, Mos-
fellshreppur varð Mosfellsbær 9.
ágúst, og Borgarneshreppur varð
Borgarnesbær 24. október.
Ákveðið hefur verið, að Blöndu-
óshreppur verði Blönduósbær 4.
júlí næstkomandi, og hefur þriggja
manna nefnd verið sett á stofn til
þess að undirbúa þá breytingu á
sveitarfélaginu
Verðlaunasamkeppni um
efnið „Mannvist í þéttbýli"
Læknafélögin efna til verðlauna-
samkeppni um efnið "Mannvist I
þéttbýli og heita í verðlau n 500 þús.
krónum, þaraf250þús. ífyrstu
verðlaun. Úrlausnum á að skila fyrir
31. marz. Mega þær vera í formi rit-
gerðar, uppdrátta, a myndbandi, Ijóð
eða í hverju þvi formi, sem mönnum er
tiltækt sem tjáningarform, eins og
segir i samkeppnisskilmálum. Ætlazt
er til þess, að teknar séu til umpi-
unar nýjar hugmyndir, sem tengjast
skipulagi, húsakosti og hinum p-
mörgu þáttum mannlífs í þéttbýli.
Tilefni þessarar samkeppni er 75
ára afmæli Læknablaðsins, og er hún
hugsuð til heiðurs fyrsta ritstjoranum,
Guðmundi Hannessyni, prófessor,
sem var frumkvöðull á sviði
skipulagsmála hérlendis, gaf út bók-
ina „Um skipulag bæja“ árið 1916
og var höfundur fyrstu skipulags-
laganna, sem öðluðust gildi á árinu
1922.
MANNVIST
í ÞÉTTBÝLI
VERDLAUNASAMKEPPNl
LÆKNAFÉLAGANNA
Samkeppninni er ætlað að hvetja
fólk til umhugsunar um húsakost
okkar og umhverfi og laða fram nýjar
hugmyndir að umbótum I húsnæðis-,
skipulags- og umhverfismálum, er
geti stuðlað að betra mannlifi, en
Guðmundur Hannesson var alla tið
baráttumaður fyrir bættum húsakosti
og betra skipulagi bæja, auk þess
sem hann vann mikið starf að heil-
brigðismálum. „Þótt gífuriegar fram-
farir hafi átt sér stað siðan Guðmund-
ur gaf út sína merku bók um
skipulags- og húsnæðismál, þá er enn
við mörg vandamál að striða á þessu
sviði, en önnur eru fyrirsjáaanleg á
næstu árum. Hvemig á að bregðast
við þessum vandamálum á tölvu- og
tækniöld og hvaða leiðir eru færar til
þess að stuðla að bættu andlegu og
likamlegu atgervi og heilbrigði
komandi kynslóða?" er spurt I sam-
keppnislýsingu.
I dómnefnd eru Þórður Harðarson,
læknir, sem er formaður, Þorsteinn
Gunnarsson, arkitekt, Guðrún Agn-
arsdóttir, læknir og alþingismaður, og
Sveinn Einarsson, fv. þjóðleikhús-
stjóri. Ritari og trúnaðarmaður
dómnefndar er Zóphónias Pálsson,
fv. skipulagsstjóri rikisins.
Breytt byggðar-
merki Akureyrar
í tilefni af 125 ára afmæli Akureyr-
arbæjar á sl. ári lét bæjarstjómin
breyta byggðarmerkinu, sem hafði
verið I notkun frá árinu 1930.
Á fundi sínum hinn 29. ágúst gerði
bæjarstjórnin samþykkt um merkið,
og fer hún hér á eftir:
Samþykkt um skjaldarmerki
Akureyrar
1.gr.
Skjaldarmerki Akureyrar skal vera
blár skjöldur (Pantone process blue)
með hvítum fugli. Á bringu fuglsins
er skjöldur markaður með korn-
knippi. Blái liturinn er litur himinsins
og fjarlægra fjalla, komknippið tákn
nafnsins Akureyri, en fuglinn tengd-
ur frásögn Heimskringlu um land-
vættir. Haraldur Gormsson konung-
ur bauð fjölkunnugum manni að fara
hamförum til íslands. Sá fór í hvals-
liki. Er hann fór inn eftir Eyjafirði,
kom á móti honum fugl svo mikill, að
vængimir tóku út fjöllin tveggja
vegna, og fjöldi annarra fugla, bæði
stórir og smáir.
2. gr.
Notkun á skjaldarmerki Akureyrar
er óheimil án leyfis bæjarstjórnar
Akureyrar, sbr. 37. gr. laga nr. 56/
1978. Ekki er heimilt að breyta út af
samþykktri gerð merkisins, sbr.
meðfylgjandi teikningu, nema í
sérstakri hátíðarútgáfu og í svart-
hvítri útgáfu.
3. gr.
I hátíðarútgáfu merkisins eru
tunga, klær og skjöldur á bringu
fuglsins í rauðum lit (Pantone warm
red), en goggar, fætur og kornknippi
í gulum lit (Pantone 123). Hátíðarút-
gáfu skjaldarmerkisins má aðeins
nota þar sem merkið stendur eitt og
sér, t.d. á fánum, skjöldum og á
barmmerkjum.
4. gr.
Svart-hvíta útgáfu skjaldarmerkis-
ins má einungis nota við bóka- og
blaðaprent, og er hún heimil án
sérstaks leyfis. I svart-hvítri útgáfu
er blár flötur táknaður með láréttum
línum, en rauður litur með lóðréttum
línum. (Linumar falla þó burt í
minnstri gerð, sbr. sýnishorn).
Með frásögninni fylgir sýnishom
af merkinu eins og það á að nota I
svart-hvítri útgáfu. Hjá Akureyrarbæ
er unnt að fá sérprentaða framan-
greinda samþykkt ásamt merkinu í
litum.
Rasrinn og hinn fatla&i
Alþjóðleg ráðstefna í Finn-
landi 18.—20. maí
Samband finnskra bæja, Helsinki-
borg, Alþjóðasamband bæja og
Landssamband fatlaðra í Finnlandi
boða sameiginlega til alþjóðlegrar
ráðstefnu um málefni fatlaðra í
bæjum. Ráðstefnan verður haldin í
HELHNM HNIANDIA HALi. MAY U—XX tVW
THETOWNAND
THE HANDICAPPED
Finlandia-húsinu i Helsinki dagana
18.-20. maí. Til ráðstefnunnar er
boðið fulltrúum sveitarfélaga og
stofnana, sem fást við málefni fatl-
aðra, en hún er einnig öðrum opin.
Ráðstefnan er haldin I tilefni af
fimmtíu ára afmæli Landssambands
fatlaðra I Finnlandi á þessu ári.
Á ráðstefnunni verður m.a. fjallað
um stefnu bæja í málefnum fatlaðra
með það fyrir augum að bæta
aðstöðu þeirra að því er snertir
aðgengi að opinberum byggingum
og ferlimál almennt, húsneeðismál
og möguleika á þátttöku í atvinnulifi
og í félagsstörfum. Fyrsta daginn
verður ræddur sá vandi, sem fatlaðir
eiga við að búa í þéttbýli, á öðrum
degi verður leitað úrbóta á sem
flestum sviðum í Ijósi fenginnar
reynslu frá fjölmörgum bæjum í
Finnlandi og annars staðar, og loks
verður horft til framtiðar með stefnu-
mörkuníhuga. Þátttakendum
gefst kostur á að skoða endur-
62 SVEITARSTJÓRNARMÁL