Milli mála - 01.01.2010, Blaðsíða 188

engilsaxneska hrings kemur þeim sem eru innan hans stundum
spánskt fyrir sjónir en það eru í flestum tilfellum þeir sem meta
möguleika greina til útgáfu.37
Þrátt fyrir aukinn þrýsting háskóla á fræðimenn sem starfa innan
hins víkkandi hrings um að birta niðurstöður sínar í virtum alþjóðleg-
um tímaritum, bjóða háskólar ekki upp á neina formlega aðstoð við
að uppfylla kröfur um málfar og málsnið sem gerðar eru til slíkra
fræðaskrifa. undantekning frá þessu eru Stokkhólmsháskóli og
Kaupmannahafnarháskóli sem hafa komið upp miðstöðvum til að
aðstoða kennara og fræðimenn við kennslu og skrif á ensku.
Lillis og Curry38 unnu í átta ár að rannsókn á því hvernig 50
fræðimenn á sviði sálfræði og menntunarfræði í austur- og Suður-
Evrópu brugðust við þrýstingi um meiri alþjóðlega útgáfu.
Meginniðurstaðan var sú að góð enskukunnátta nægði ekki heldur
þyrftu fræðimenn að hafa sértækt og síbreytilegt mál fræðigreinar-
innar á valdi sínu. Lillis og Curry töldu að það væri grundvallar-
atriði að fræðimenn kynntust orðræðunni með virkri þátttöku í
rannsóknarnetum og öðru fræðilegu samstarfi, þar sem samskipta-
málið væri enska, til að þeir gætu tileinkað sér þá orðræðu enskrar
málhefðar sem er lykill að aðgengi að virtum tímaritum.39
Í ljósi þessarar umræðu um fræðaskrif á öðru máli en móður-
máli, hér ensku, lék okkur forvitni á að vita hver væru viðhorf
íslenskra fræðimanna til enskunotkunar og settum fram eftirfarandi
rannsóknarspurningar.
• Hversu góða telja kennarar/fræðimenn enskukunnáttu sína
vera?
• Hvert er hlutfall fræðaskrifa kennara á ensku?
• Hvernig er aldursdreifing þeirra sem einkum skrifa á ensku?
• Hvort og hve mikla aðstoð telja kennarar/fræðimenn sig
þurfa við skrifin?
• Hvaða áhrif hefur það á störf kennara/fræðimanna að vinna
með tvö tungumál í kennslu?

EnSKan Og FrÆðaSKrIFIn
188
37 John Flowerdew, „Writing for publication in English“, útdráttur úr lykilfyrirlestri á Symp osium
on Second Language Writing, Taipei, Taiwan, 9.–11. júní 2011, http://sslw.asu.edu/2011/
plenary.html [sótt 5. desember 2010].
38 Theresa Lillis og Mary Jane Curry, Academic Writing in a Global Context.
39 Sama rit.
Milli mála 2011_Milli mála 1-218 6/28/11 1:39 PM Page 188