Stígandi - 01.10.1944, Qupperneq 49

STÍGANDI HÁSKÓLANÁM í BANDARÍKJUNUM
287
Yfirstjórn skólans er falin sérstakri nefnd manna, og er ríkis-
stjóri Kaliforníu að jafnaði formaður hennar. Nefnd þessi skipar
svo þá embættismenn, er fara með beina stjórn skólans, en þar á
ég við eftirlit með kennslunni, tilliögun hennar, prófum og aga
stúdenta.
Æðstur þeirra er forsetinn (the President). Starf hans er þó
aðallega í því fólgið að koma fram út á við fyrir hönd skólans,
en sér til aðstoðar hefir hann svonefnda deans, en það eru for-
stöðumenn hinna ýmsu stofnana eða skóla (schools eða colleges)
innan háskólans. Slíkir skólar ná oft yfir margar greinar eða
deildir (faculties), t. d. er algengt að mál, stærðfræði, félagsleg
fræði og náttúruvísindi séu innlimuð í hina sömu háskólastofnun
og hafi sameiginlegan forstöðumann (dean), þó að hver deild
hafi auðvitað sjálfstæða tilveru, þar sem prófessorarnir ráða lögum
og lofum.
Menntaskólar í Bandaríkjunum eru yfirleitt fjögurra ára skólar
og starfa um það bil níu mánuði ársins. Inntöku í háskólann geta
svo allir fengið, sem eru brautskráðir úr menntaskólunum. Við,
íslenzkir stúdentar, er véstur höfum leitað, höfum staðið betur að
vígi, þar eð við höfum að baki okkur sex ára menntaskólanám.
Veitti Kaliforníuháskóli okkur nokkrar ívilnanir þess vegna, og
losnuðum við við sumt af hinu almennara undirbúningsnámi í
háskólanum.
Háskólaborgararéttindi geta menn enn fremur öðlazt með því
að standast sérstök inntökupróf, sem háskólanefnd ein (College
Entrance Examination Board) efnir til árlega.
Allir nýir háskólaborgarar verða svo að ganga undir og stand-
ast skfiflegt próf í ensku (Subject A). Þar eru menn látnir gera
ritgerð um eitthvert fremur létt efni, auk þess sem leysa verður
úr spurningum um málfræði, stafsetningu og setningaskipan
enskrar tungu.
Þar að auki þurfa svo allir útlendingar að taka annað próf í
ensku bæði skriflegt og munnlegt, sem sýni það, að þeir geti
fyllilega hagnýtt sér þá kennslu, er háskólinn lætur í té. Þetta
próf er öllu léttara en hið fyrrnefnda, en má þó segja, að íslenzk-
um námsmönnum hafi gengið heldur vel í þeim báðum.
Venjulegt háskólaár er um níu mánuðir (ágúst— maí), og er
því skipt í tvö missiri (semesters). Jólaleyfið kemur svo á milli
missira, eins og siður er við Háskóla íslands. Síðastliðin tvö ár
hefir þó reglulegt háskólanám staðið allt árið og verið skipt í