Stígandi - 01.10.1944, Qupperneq 52

290
HÁSKÓLANÁM í BANDARÍKJUNUM STÍGANDI
sinni. Þykir það hin harðasta raun og er í eðli sínu frábrugðið
doktorsvörn hérlendis.
Meirihluti þeirra tveggja til þriggja ára, sem fer í undirbúning
til doktorsprófs, þarf kandidatinn að sækja fyrirlestra í fagi sínu
og stunda verklegar æfingar við háskólann, — og áður en til átaka
kemur um doktorsritgerðina, verður hann að taka ýmis próf, skrif-
leg og munnleg, sem sanni, að hann hafi víðtæka og nákvæma
þekkingu á sínu sviði og sé álitshæfur.
Námsskilyrði við alla stærri háskóla í Bandaríkjunum eru yfir-
leitt liin ákjósanlegustu. Húsakynni eru einatt vegleg og lítt spar-
að til kennslutækja. Tilraunastofur eru margar. Stúdentar hafa
þar góðan aðbúnað og færi á að gera verklegar æfingar undir
eftirliti prófessora sinna. Auk þess eiga háskólar alla jafna hin
sæmilegustu lista- og náttúrugripasöfn, sem geta verið til liins
mesta menningarauka.
Þó má fullyrða, að bókasöfnin séu brennideplar amerískra há-
skólahverfa, og er miklu fé og tíma varið til þess að gera þau sem
bezt úr garði. Bókasafnið í Kaliforníuháskóla hefir til dæmis að
geyma töluvert á aðra milljón binda, og yfir 18 þús. blöð og tíma-
rit streyma stöðugt að. Bókasafn þetta sér stúdentum og prófessor-
um fyrir mestöllum heimildum og gögnurn, er þeir þurfa, og get-
ur, ef rétt er haldið á, sparað fátækum stúdentum gríðarleg bóka-
kaup, enda á fárra meðfæri að kaupa allar þær bækur, er til náms-
ins þarf. Auk aðalbókasafnsins hafa stundum einstakar háskóla-
deildir söfn, sem hafa á boðstólum bækur og heimildarrit í sér-
stökurn greinum.
í bókasafninu eru stórir lestrarsalir fyrir stúdenta. Eru þeir
rnikið notaðir og koma í góðar þarfir, þar sem veggirnir eru þétt-
skipaðir handbókum og alfræðiorðabókum, sem ómissandi eru
við allt nám. Einn salur bókasafnsins hefir sérstöðu. Þar eru um
18 þús. bindi, sem ætluð eru mestmegnis til tómstundalesturs. Er
þar gott úrval bókmennta, og er hlutverk þeirra að veita stúdent-
unum færi á að afla sér almennrar menntunar, sem oft vill verða
út undan við sérfræðinám. Allir, sem skráðir eru í háskólann,
hafa ókeypis afnot af söfnunum.
Bandarískir háskólar gefa stúdentunum góðan kost á að efla
lieilsu sína. Við Kaliforníuháskóla fer fram afar rækileg læknis-
skoðun á öllum nýjum háskólaborgurum, og um leið er rann-
sökuð hæfni þeirra til ýmissa íjrróttaiðkana og þeim bent á færin,
sem þeim bjóðast í þeim efnum við skólann. Ekki eru íþróttir