Stígandi - 01.04.1945, Side 18

BRYNJAN
(Sbr. sögnina nin skyrtu Örvar-Odds.)
Eftir SIGURÐ JÓNSSON, Arnarvatni •
0
*
Að baki lá æskan, það vaxtarins vor,
með vandþreytta fimleika keppni,
sem magnaði krafta og mjúkleik og þor
og máttuga afreka heppni.
Gegn forneskju rammri og forlagatrú
sig fullhuginn einstæður reisti.
Og útþráin valfrjáls var eldkveikja sú,
sem átthagafjötrana leysti.
Og hamingjumikil var heimanför gjör,
því hugur stóð allur að máli.
Og frægðarorð barst af hans Bjarmalandsför
svo bjart eins og sindur af stáli.
Svo áfram til frægðar og frama var þreytt,
og fóstbræður göfugir valdir.
Og saman þeir áttu sér sjónarmið eitt,
en sigrarnir urðu ei taldir.
Til framgangs og ágætis hugsjónum hans
var hreysti og snillinni fórnað,
og sigurför raktri frá landi til lands
af leiðtoga markvissum stjórnað.
*
# *
#
Nú svall honum móður. Af harmi og heift
því hjarta 'hans bölþrungið stundi.
Svo dýrt hafði 'ann sigurinn síðasta keypt,
að seint honum fyrnast það mundi.