Stígandi - 01.01.1945, Qupperneq 106

96
BÓKAFRÉTTIR
STÍGANDI
ur af kvæðum þessara manna gerðar að
almennings eign, nema góðar skýringar
fylgi.
Til þeirra kvæða í Hunangsflugum,
sem skilningur manna er liklegur að
hnjóta um, mætti telja Engilbert og
Hrópið að ncðan.
Þá er allmikill bálkur lausavísna og
stefja, sem eru oft eins og hnot, sem er
óálitleg við fyrstu sýn, en geymir þó
góðan kjarna. En í sumum eru að vísu
faldar háðsprengjur, sem engan drepa,
en lýsa upp um leið og þær springa hin
og önnur fánýti, sem þó er veitt til-
beiðsla, t. d.:
Hann hljóp inn í hitann og reykinn,
að hafa á burt með sér
úr safninu sérstaklega
öll sagna- og rímnakver.
Hann ljómaði af innra ljósi
og lofaði drottins nafn,
með ekkert í heiminum eftir
annað en bókasafn.
Um tízku málaranna, sem skáldið
lætur að vísu eiga heima í Hollywood,
er komizt svo að orði:
í Hollywood eiga þeir heima
og hafa úti allar klær.
Þeir leita sér andlegra lúsa,
þeir leita og — finna þær.
Um gömlu landnámsmannakynslóð-
ina kemst hann þannig að orði:
Og mörgum er mikil gáta,
hvar minning þeirra er geymd.
Og það er vegna þess, að næsta kyn-
slóðin:
Gerði fyrir bakdyrum bálköst
því bezta, sem þeir höfðu átt.--
Loks kemur þriðja kynslóðin fram á
sviðið og vill fara að grafa eftir fornum
minjum:
En hcfir ei hitt á annað
en helvítis axarsköft!
Að síðustu eru það alvarleg og mikils-
verð kvæði, sem nntnu verða minnisstæð
t. d. ísland, Júdas, Dansinn í Hruna og
Benedikt Jónsson frá Hólum (eftir-
inæli), en því lýkur þannig:
Þú ert farinn heim að Hólum,
höfuðbóli morgnalands.
Ævi þin er öll að jólum
orðin — beztu stundum manns.
Þú ert farinn heim að Hólum,
höfuðbóli Sólarlands.
F. H. B.
Leiðréttingar:
í 4. h. II. árg. féllu nöfn niður undir myndinni á bls. 257: Mennirnir þar eru,
talið frá vinstri: Benedikt Jónsson, Jakob Hálfdánarson og Pétur Jónsson.
I sama hefti bls. 297 efstu línu stendur Bandvin á að vera Baldvin. í sömtt grein
bls. 301, 6. 1. að neðan stendur: sem þeir licfðu gert, á að vera: sent þeir hefðu
getað gert.