Ritið : tímarit Hugvísindastofnunar - 01.05.2002, Qupperneq 41

LJUFT ER AÐ LATA SIG DREYMA
II
Ef við getum ekki spurt „hvað“ merkir kynið getum við ef til vill byrjað
á því að spyrja um tímasetningar eða það „hvenær“ kynið fær afgerandi
merkingu. Hvenær verður stúlka stúlka? Það verður hún um leið og ljós-
móðir eða fæðingarlæknir segir: Þetta er stúlka! I upphafi er hún nefni-
lega stúlka eða stúlkubarn eða stelpa eða telpa og svo unglingsstúlka og
loks kona. Eða þannig var þetta til skamms tíma.
Blaðamaðurinn Cristina Odoni segir í New Statesman,3 að henni hafi
brugðið í brún þegar hún sá fallega boli á slá í fatabúð en á þeim stóð:
„So many boys - so little time.“ Þetta væri svolítið fyndið og sætt ef
kvenbolir þessir væru ekki ætlaðir fimm ára telpum. A sama stað var
hægt að kaupa tonga-nærbuxur fyrir fimm til níu ára telpur með mynd
af hjarta í klofinu. Odoni segir að í Bandaríkjunum sé hægt að fá telpu-
nærbuxur þar sem á stendur: „Sleiktu mig“ („Eat me“) og þar er hægt að
kaupa fóðraða brjóstahaldara fyrir níu ára stúlkubörn. Bresku barna-
heillasamtökin hafa mótmælt sölu erótísks tískuvarnings fyrir lítil börn í
venjulegum stórmörkuðum en framleiðendur segjast vera að fullnægja
eftirspurn, þetta sé það sem neytendur vilji. Börnin hafa sannarlega ekki
beðið um að vera gerð að kynferðislegu viðfangi fullorðinna. Eða hefur
framleiðendum kannski þegar tekist að breyta því? Litlar stelpur horfa á
tónlistarmyndbönd með Britneyju Spears og öðrum Lolítum4 sem
keppa við Mjallhvíti og Oskubusku um hylli þeirra. Auglýsingaflóðið
skellur á börnunum úr öllum áttum og börnin eru auðmótuð ef foreldr-
arnir sofa á verðinum.
Kvmvæðingin eða klámvæðingin á börnum er alls ekki ný af nálinni.
Sagan, bókmenntirnar og myndlistin geyma fjölmörg dæmi um slíkt, en
það sem velcur ugg og óhug við þá þróun sem nú er í gangi er að hún fel-
ur ekki aðeins í sér beint ofbeldi eða misnotkun á börnum heldur taka
voldug markaðsöfl það að sér að tæla börnin til að halda að þau þrái kyn-
ferðislegan áhuga fullorðinna sem getur í versta falli orðið þeim mjög
hættulegur. Það er þannig verið að grípa inn í og sveigja fantasíu barn-
3 Nnv Statesman, 15.júlí. 2002.
4 Britney er bráðung og sviðsgervi hennar gerir hvort tveggja í senn að undirstrika
æsku hennar og draga samtímis upp mynd af henni sem kynferðislegu viðfangi. Það
er gert með erótískum dans, nekt og daðri. Meydómur Brimeyjar hefur skipt meg-
inmáli í ímyndarbyggingu hennar sem forsenda þess „bamakláms“ sem öll hennar
markaðsfærsla er byggð á.
39