Ritið : tímarit Hugvísindastofnunar - 01.10.2002, Page 14

Ragna Garðarsdóttir
5.10. 1973 -24.12. 2002
Um jólin bárust þau sviplegu tíðindi til íslands að Ragna Garðarsdóttir
bókmenntafræðingur hefði látist í Lundúnum þar sem hún dvaldi við
nám.
Ragna lauk BA-prófi í almennri bókmenntaffæði ífá Háskóla Islands
vorið 1997 og MA-prófi í sömu grein veturinn 2000. Jafnframt sótti hún
nám í öðrum greinum hugvísinda og útskrifaðist með BA-próf í sagn-
fræði og heimspeki veturinn 2001, en heimspekináminu lauk hún við
Tækniháskólann í Berlín. Um þetta leyti starfaði Ragna einnig hjá Hug-
vísindastofnun Háskóla Islands þar sem hún vann meðal annars að hönn-
un menningarvefs. Undanfarin tvö ár var Ragna í doktorsnámi við Gold-
smiths-háskóla í Lundúnum þar sem hún lagði stund á menningarfræði.
Við Háskóla Islands reyndi Ragna að brjóta niður þá múra sem liggja
milli ólíkra fræðigreina og kom það fáum á óvart að hin þverfaglega
menningarfræði skyldi verða fyrir valinu þegar hún hélt í ffekara nám.
Ragna gat ekki hugsað sér að þrengja rannsóknarsviðið frekar, en nám-
skeiðin sem hún tók hér heima losuðu fimmtíu og sýna glögglega brenn-
andi áhuga hennar á hugvísindum í öllum sínum margbreytileika.
Vorið áður en Ragna hélt í framhaldsnám var hún aðstoðarkennari í
þremur námskeiðum í heimspekideild og sást þá vel hversu auðveldlega
hún gat tengt ólík viðfangseftii hugvísinda. Hún hannaði sérstaka vefsíðu
12