Þjóðlíf - 01.03.1988, Blaðsíða 13

INNLENT
Lögreglustjóri:
Eg lét fylgjast með Magnúsi
Böðvar Bragason lögreglustjóri í Reykjavík. Vil ekki svara því hvort fylgst var með
fleirum.
Böðvar Bragason, lögreglustjóri í Reykja-
vík, hefur játað því í viðtölum við Þjóðlíf og
fleiri fjölmiðla að fylgst hafi verið með Magn-
úsi Skarphéðinssyni vegna ráðstefnu sjávar-
útvegsráðuneytisins um hvalveiðar í janúar
s.l. Hann hefur jafnframt sagt að það hafi
verið samkvæmt fvrirmælum hans sjálfs. I
síðasta tölublaði Þjóðlífs sagði Böðvar: „Mér
er ekki kunnugt um að þessi einstaklingur
sem þú nefnir hafi orðið fyrir óþægindum —
a.m.k. hef ég ekki af því heyrt.“
— Þú hefur í fjölmiðlum upp á síðkastið
staðfest að lögreglan hafi fylgst með Magnúsi
Skarphéðinssyni.
Já, ég hef staðfest að lögreglan gaf honum
auga.
— Var þér þá ókunnugt um það þegar
Þjóðlíf spurði þig fyrst um það?
Nei, ekki get ég sagt það, ég sagði í því
viðtali að ég vildi hvorki játa því né neita.
— Þú sagðir orðrétt að þér væri ekki
kunnugt um að þessi tiltekni einstaklingur
„hafi orðið fyrir óþægindum“.
Mín hugsun var sú að á þessu stigi vildi ég
hvorki játa þessu né neita.
— Hver er það sem tekur ákvörðun um að
fylgjast meö fólki?
Ég vil einungis ræða þetta einstaka mál, en
það má ekki gera að því skóna að það sé
alvanalegt að lögreglan fylgist með fólki. En
þetta mál tengist ráðstefnunni sem hér var
haldin um hvalina, og okkur var falið að gæta
öryggis ráðstefnunnar.
— Var það þá þín ákvörðun að það var
fylgst með Magnúsi?
Já, það var mín ákvörðun.
— Hversu lengi fylgdist lögreglan með
honum?
Það var í nokkra daga.
— Þannig að lögreglubílarnir sem voru
fyrir utan heimili hans voru ekkert á þjófa-
vakt eins og Bjarki Elíasson hélt fram?
Jú, það geta þeir hafa verið. Eins og ég hef
sagt þá er lögreglan víða á ferðinni í ómerkt-
um bflum, bæði í þessu hverfi og annarsstað-
ar. Það kann að vera að einhverjir sem
Magnús telur sig hafa orðið var við, hafi
verið í öðrum erindum en að fylgjast með
honum.
Hafðir þú einhverja ástæðu til að ætla að
Magnús hefði gerst eða myndi gerast brotleg-
ur?
— Þaðernúsvoaðþegarveriðeraðgæta
öryggis ráðstefnu eins og hér um ræðir er
litið yfir víðara svið en bara til þeirra sem
hafa gerst brotlegir eða til þeirra sem menn
telja að hafi einhver slík áform í huga. Það að
gæta öryggis er nokkuð víðtækt og í því felst
ævinlega nokkurt mat. Þannig að við getum
frekar sagt að það hafi verið fylgst með
mannaferðunt í kringum Magnús í örfáa
daga.
— Lögreglumennirnir hafa þá gefið
skýrslur uni þær mannaferðir?
Já.
— Hvað er gert við þessar skýrslur?
Þær eru eins og aðrar skýrslur í skjalasafni
lögreglunnar.
— Er hægt að gera ráð fyrir að lögreglan
hafi áhuga á að fylgjast með fólki eingöngu
vegna skoðana þess?
Nei, það er alveg af og frá að slíkt sé
stundað.
— En í þessu tilviki hlýtur það nú að vera
raunin.
Ég held að ég verði að vísa til þess sem ég
hef sagt um það, hvers það krefst, að gæta
öryggis varðandi ráðstefnur af þessu tagi.
Það að ég skyldi staðfesta í samtölum við
fjölmiðla að fylgst var með ferðum Magnús-
ar var til þess að undirstrika það, að fullyrð-
ingar um að lögreglan hleraði síma Magnús-
(Mynd Björn)
ar eða opnaði póst hans, væru algerlega úr
lausu lofti gripnar.
— Eru þess þá engin dæmi að lögreglan
grípi til þess ráðs' að hlera síma?
Lögreglan hefur ýmis úrræði, m.a. að
æskja þess við dómstóla að símar séu hlerað-
ir. Ég vil ekki á þessu stigi ræða þau mál
almennt.
— En hversu oft hafið þið beðið dómstóla
um heimildir til að hlera síma?
Það er ég ekki reiðubúinn að ræða. Ég er
reiðubúinn að ræða við þig um Magnús
Skarphéðinsson, en ekki um annað.
— Það var sem sagt ekki beðið um dóms-
úrskurð til þess að hlera hans síma?
Nei.
— En var fylgst með fleirum vegna ráð-
stefnunnar?
Því vil ég ekki svara. En ég vísa til inntaks
þess hlutverks að gæta erlendra gesta. Það er
ákaflega fjölbreytt verkefni og mismunandi
eftir því hverjir eiga í hlut.
— En ber lögreglunni ekki að virða per-
sónuhelgi íslenskra borgara, þó hún þurfi að
gæta öryggis útlendinga?
Jú, mikil ósköp. Ég mun aldrei gerast tals-
maður þess að lögreglan brjóti lög á borgur-
unum í þessu efni. Ég tel ekki að það hafi
verið gert í þessu tilfelli.
Hrafn Jökulsson.
13